Nepal's No. 1 Digital News Portal, Business, Corporate, Tourism, Politics, Sports, Entertainment, digitalkhabar.com ...express media network

सिड्नीमा एक हप्ता लकडाउन थपियो

0 49

२७ असार, बीबीसी । सिड्नीका वासिन्दाहरु थप अर्को हप्ता लकडाउनमा रहनुपर्ने भएको छ । न्यु साउथ वेल्स सरकारले यसबारे जानकारी गराउँदै अधिक संक्रमक मानिएको डेल्टा भेरियेन्ट विरुद्ध लड्न यस किसिमको कठिन निर्णय लिनु परेको बताएको छ । त्यहाँ २६ जुनका दिनदेखि नागरिकहरुलाई घरैमा बस्ने निर्देशन जारी गरिएको थियो ।

तर अतिआवश्यक कामका लागि बाहिरिएका केही मानिसहरु भाइरसबाट संक्रमित भएपछि कोरोना फैलने क्रम रोकिन सकेन । लकडाउनमा सिड्नी भरका झन्डै ५० लाख मानिसहरु यतिबेला घरैमा बस्न बाध्य भएका छन् जुन यही शुक्रबार खुलाइने भनिएको थियो । तर अब भने जुलाई १६ सम्मका लागि लकडाउन थपिएको छ । स्कुलहरु पनि अर्को हप्तासम्म बन्दै रहने बताइएको छ ।

यसरी लकडाउनले परिवार र व्यवासयहरुमा पुर्याएको स्ट्रेस र पीडाबारे आफूहरु जानकार रहेको न्यु साउथ वेल्स सरकारले जनाएको छ । तरपनि दैनिक संक्रमितहरु वृद्धि भइरहनु र खोप अभियानको सञ्चालन कम स्तरमा हुनुले लकडाउन बढाउनै पर्ने भएको सरकारी अधिकारीहरुले बताएका छन् ।

अष्ट्रेलियाका १० प्रतिशत भन्दा कम नागरिकहरुले कोरोना विरुद्धको खोप लगाएका छन् । विशेषगरी फाइजर खोपको आपूर्ति अभाव हुँदा धेरैले वर्षको अन्त्यसम्म मात्र खोप लगाउन पाउने देखिएको छ ।

प्रिमियर ग्लेडिस बेरेजिकलिआनले बुधबार भनेका छन्, “सबै नागरिकहरुले खोप लगाइसक्नु अगाडिको यो अन्तिम लकडाउन होस् भन्ने सुनिश्चित गर्न हामी सक्दो प्रयास गर्नेछौँ । हामी ‘लकडाउन हटाउँदै फेरि लकडाउन गर्दै’ गर्ने अवस्थामा पुग्न चाहँदैनौ ।”

अष्ट्रेलियामा हालै फैलिएको डेल्टा भेरियेन्ट संक्रमणबाट सिड्नी शहर सबैभन्दा नराम्ररी प्रभावित भइरहेको छ । होटल क्वारेन्टिन मार्फत भाइरस फैलिएपछि सरकारले प्रमुख शहरहरु : ब्रिस्बेन, डार्विन र पर्थमा पनि लकडाउनको घोषणा गरेको हो जसले देशभरको आधा जनसङ्ख्यालाई प्रभावित गरेको थियो । तर निकायहरुले ती शहरमा भाइरस नियन्त्रणमा लिएपछि अघिल्लो हप्ता नै लकडाउन अन्त्य गरिएको थियो ।

अष्ट्रेलियाले लकडाउन र तिव्र कन्ट्याक्ट ट्रेसिङ मार्फत भाइरस विरुद्ध सफलता हासिल गर्दै आएको छ । अझैसम्म पनि त्यहाँ तुलनात्मक रुपमा संक्रमण र मृत्युदर कमै मानिन्छ ।


- Advertisement -


मल्टिमिडिया ग्यालरी

Comments

comments

Subscribe to our newsletter
Sign up here to get the latest news, updates and special offers delivered directly to your inbox.
You can unsubscribe at any time
Leave A Reply

Your email address will not be published.