Advertisement
२५ असार, काठमाडौं । शेयर बजार सूचक मापक नेप्से यस साता १७.९० अंकले घटेको छ ।नेप्से घटेसँगै यस साता कारोबार रकम पनि १० अर्ब ९० करोड रुपैयाँले घटेको छ ।यो साता बजारमा २३ अर्ब २६ करोड रुपैयाँको शेयर कारोबार भएको छ ।
साताको पहिलो दिन आइतबार २८४३ अंकमा खुलेको शेयर बजार साताको अन्तिम कारोबार दिन बिहीबार २८२५.१० अंकमा बन्द भएको छ ।अघिल्लो साताको तुलनामा यस साता शेयर कारोबार रकम घटेको छ । गत साता ३४ अर्ब १६ करोड रुपैयाँ बराबरको शेयर करोबार भएकोमा यस साता १० अर्ब बढीले खुम्चिएर २३ अर्ब २६ करोडमा सीमित भएको हो ।
यस साताको पहिलो कारोबार दिन आइतबार ५ अर्ब ५ करोड रुपैयाँको कारोबार भयो भने साताको अन्तिम कारोबार दिन बिहीबार ४ अर्ब ८१ करोड रुपैयाँको कारोबार भयो । यसबीचमा सोमबार ४ अर्ब ५८ करोड, मंगलबार ४ अर्ब २२ करोड र बुधबार ५ अर्ब ५८ करोडको शेयर कारोबार भयो ।
यो साता आइतबार नेप्से ८.४८ अंक, सोमबार ११.७८, मंगलबार ५.२४ अंक र बुधबार १६.९७ अंकले घट्यो भने अन्तिम दिन बिहीबार २३.९७ अंकले बढेको छ ।
सातामा सिभिल लघुवित्तका शेयरधनीले सर्वाधिक कमाए
यस साता सिभिल लघुवित्त कम्पनीमा लगानी गर्ने लगानीकर्ताले सर्वाधिक कमाएका छन् । सिभिल लघुवित्त कम्पनीमा लगानी गर्ने लगानीकर्ताले १०.८९ प्रतिशतले कमाएका हुन् ।
सिभिल लघुवित्तपछि राष्ट्रिय बीमा कम्पनी लिमिटेड प्रमोटर शेयरमा लगानी गर्ने लगानीकर्ताले १०.०७ प्रतिशत, कर्पोरेट डेभलपमेन्ट बैंकका शेयरधनीले ९.४४, सिइडिबी हाइड्रोपावरका शेयरधनीले ७.६० र हिमालयन डिष्ट्रिलरीेमा लागानी गर्ने लगानीकर्ताले पनि ७.२८ प्रतिशतका दरले कमाएका छन् ।
गत साताको कारोबारमा ओरियन्टल होटलका शेयरधनीले २०.२१ प्रतिशतका दरले कमाएका थिए । सिभिल लघुवित्तका शेयरधनीले ११.४८, युनाइटेड इदी मर्दीका शेयरधनीले १०.९९, सेञ्चुरी कर्मसिलयल बैंकका शेयरधनीले ८.८६ र नेपाल फाइनान्सका शेयरधनीका लगानीकर्ताले ८.२६ प्रतिशतका दरले कमाएका थिए ।
नेपाल इन्स्योरेन्सका शेयरधनीले धेरै गुमाए
यस साता नेपाल इन्स्योरेन्सका शेयरधनीले सर्वाधिक गुमाएका छन् । कम्पनीमा लगानी गर्ने लगानीकर्ताले १२.१२ प्रतिशतका दरले गुमाएका हुन् ।
त्यस्तै, नेपाल इन्स्योरेन्सपछि यस साता गोर्खाज फाइनान्सका शेयरधनीले १०.३६, युनाइटेड इदी मर्दीका शेयरधनीले ९.९०, अपर तामाकोशीका शेयरधनीले ८.७४ र नेशनल हाइड्रोपावर कम्पनीका शेयरधनीले ८.३९ प्रतिशतका दरले गुमाएका छन् ।
गत साताको शेयर कारोबार दिनमा सूर्या लाइफ, राधी विद्युत, ङादी ग्रुप पावर र लिबर्टी इनर्जीका लगानीकर्ताले सर्वाधिक गुमाएका थिए ।
उत्पादनमूलक उपसमुह २.६७ प्रतिशले बढ्यो
यस साता कारोबारमा आएका १३ उपसमुहमध्ये बैंकिङ, माइक्रो फाइनानन्स, उत्पादनमूलक र ट्रेडिङ बाहेक अन्य सबै उपसमूहको सूचक घटेको छ ।
साताको कारोबारमा सबैभन्द धेरै उत्पादनमूलक उपसमुह २.६७ प्रतिशले बढेको छ । यस साता बैंकिङ ०.२३, माइक्रो फाइनानन्स ०.५७ र ट्रेडिङ १.१४ प्रतिशतले घटेको छ ।
यस साता विकास बैंक १.१२, फाइनान्स २.८८, जीवन बीमा १.२२, होटल एण्ट टुरिजम २.१७, हाइड्रो पावर ३.९३, अन्य ०.५८ र इन्भेष्टमेण्टको सूचक ०.६३ प्रतिशतले घटेको छ ।
Comments
