Nepal's No. 1 Digital News Portal, Business, Corporate, Tourism, Politics, Sports, Entertainment, digitalkhabar.com ...express media network

नेशनल मेडिकल कलेजले घटायो छात्रवृत्तिमा पढ्ने विद्यार्थीले तिर्नुपर्ने शुल्क

0 158

२३ असार, काठमाडौं । वीरगञ्जको नेशनल मेडिकल कलेजले त्रिभुवन विश्वविद्यालयले निर्देशन दिए सरकारी छात्रवृत्तिमा पढेकाहरुसँग शुल्क नलिने जवाफ दिएको छ ।

सरकारी छात्रवृत्तिमा चिकित्सा शास्त्र अध्ययन गरेका रामजी रामसहितका विद्यार्थीसँग शुल्क माग गरेको विषयमा त्रिविको चिकित्सा शास्त्र अध्ययन संस्थानले स्पष्टीकरण सोधेपछि नेशनलले यो विवाद विद्यार्थीसँग नभई त्रिविसँग भएको बताएको छ ।

चिकित्सा शिक्षा आयोग र चिकित्सा शास्त्र अध्ययन संस्था (आईओएम)ले रामजी रामसहितका विद्यार्थीसँग अतिरिक्त शुल्क नलिई परीक्षा फारम भर्न दिन निर्देशन दिएको थियो । आयोग र आईओएमको निर्देशनपछि कलेजले छात्रवृत्तिमा पढेका विद्यार्थीलाई यसअघि लगाएको शुल्कमा केही कटौती भने गरेको छ ।

रामजी रामलाई वार्षिक शुल्क पाँच लाख ९८ हजार, भर्ना शुल्क २५ हजार, अन्य शुल्क २४ हजार तीन सय कटौती गरेर १ लाख ८५ हजार तिर्न भनेको छ ।

कलेजले तीन महिनाको होस्टल शुल्क, तीन महिनाकै इन्टरनेट शुल्क, प्रयोगशाला शुल्क, लाइब्रेरी शुल्क, परीक्षा शुल्क, त्रि.वि सम्बन्धन शुल्कलगायत गरी १ लाख ८५ हजार रुपैयाँ तिर्न भनेको रामले बताए ।

उनले आफूहरुलाई कलेजले ‘त्रिविले नलिनू भने नलिई परीक्षामा सहभागी गराउँछौं, यो तिमीहरुसँग होइन, लडाइँ भनेको त्रिविसँग हो । किन कलेजसँग आएर लडाइँ गर्छौं । त्रिविसँग लड’ भनेको बताए । रामजीले अनलाइनखबरसँग कुरा गर्दै भने, ‘कलेजले भने अनुसार हो भने त त्रिविले आफ्नो निर्णय कार्यन्वयन नगरेको देखियो । अब त त्रिविसँगै आफैं बनाएको व्यवस्था कार्यन्वयन गर भन्ने हो ।’

चौथो वर्षमा अध्ययनरत रुकेशकुमार राम र तेस्रो वर्षमा अध्ययनरत प्रमोदकुमार राम दाजुभाइ हुन् । उनीहरुलाई पनि होस्टलको लाग्ने खर्चभन्दा दोब्बर शुल्क लिन खोजेपछि होस्टल छाडेर बाहिर बस्ने तयारी गरिरहेको बताए ।

रुकेशकुमारले अनलाइनखबरसँग कुरा गर्दै उनले भने, ‘होस्टलले तोकेअनुसार मेसको एक लाख ५० हजार हुनुपर्ने हो तर २ लाख ७६ हजार माग गरेको छ । हामी दाजुभाइ छौं । दुई जनाको तिर्नुपर्दा धेरै हुन्छ । त्यही भएर होस्टल छाड्ने विचारमा छौं ।’

कलेजले रुकेशकुमार रामलाई यसअघि ८ लाख ७८ हजार ७८१ तिर्न भनेको थियो । अहिले परीक्षा शुल्क, होस्टल शुल्क लगायतको शुल्क गरेर दुई लाख ७६ हजार ८८३ तिरेर फारम भर्न सक्ने जानकारी दिएको छ । त्यस्तै तेस्रो वर्षमा अध्ययनरत प्रमोदकुमार रामलाई कलेजले १२ लाख तिर्न भनेको थियो भने अहिले परीक्षा शुल्क, होस्टल शुल्क लगायत गरेर दुई लाख १८ हजार ५४२ तिरेर फारम भर्न सक्ने भनेको छ ।

रुकेशले अनलाइनखबरसँग भने, ‘अब खोजेर तिर्ने त होला । परीक्षा त दिनुपर्‍यो । जहिल्यै परीक्षा दिनेबेला हुने लफडाले पढाइ पनि बिग्रेला भन्ने डर छ । अर्को वर्षदेखि यस्तो नहोस् ।’ परीक्षा फारम भर्ने मिति मंगलबारसम्म रहेको थियो ।

छात्रवृत्तिमा चिकित्सा शास्त्र अध्ययन गरेका विद्यार्थीसँग कलेजले परीक्षाको मुखमा अतिरिक्त शुल्क माग गर्दै फारम भर्न नदिएपछि उनीहरुले असार ७ गते चिकित्सा शिक्षा आयोग र चिकित्सा शिक्षा अध्ययन संस्थान (आईओएम)मा निवेदन दिएका थिए ।


- Advertisement -


मल्टिमिडिया ग्यालरी

Comments

comments

Subscribe to our newsletter
Sign up here to get the latest news, updates and special offers delivered directly to your inbox.
You can unsubscribe at any time
Leave A Reply

Your email address will not be published.