Nepal's No. 1 Digital News Portal, Business, Corporate, Tourism, Politics, Sports, Entertainment, digitalkhabar.com ...express media network

सिभिल बैंकको प्रमुख कार्यकारी अधिकृतमा पोखरेल नियुक्त

0 75

२१ असार, काठमाडौँ– सिभिल बैंक लिमिटेडको प्रमुख कार्यकारी अधिकृतमा सुनीलकुमार पोखरेल नियुक्त भएका छन्।

उनलाई जेठ २७ मा बसेको सञ्चालक समितिको ३४५औं बैठकले प्रमुख कार्यकारी अधिकृतमा असार १८ गतेदेखि लागू हुने गरी आगामी चार वर्षका लागि नियुक्त गरेको हो।

उनी वैशाख १८ गतेदेखि कामु प्रमुख कार्यकारी अधिकृतका रूपमा कार्यरत थिए। उनी दुई वर्षदेखि सिभिल बैंकमा नायब प्रमुख कार्यकारी अधिकृतका रूपमा आबद्ध थिए।

उनीसँग बैंक तथा वित्तीय संस्थामा काम गरेको तीन दशक लामो अनुभव छ। डिजिटलाइजेसनको माध्यमबाट कर्मचारीको कार्यक्षमतामा अभिवृद्वि गर्दै कागजरहित बैंकको रूपमा अग्रसर हुँदै तथा ग्राहकमैत्री विविध विन योजना ल्याउँदै बैंकले व्यवसायको आयतनमा व्यापक वृद्धि गरी सेयर होल्डरलाई उचित प्रतिफल प्रदान गर्ने बैंकका नवनियुक्त प्रमुख कार्यकारी अधिकृत सुनीलकुमार पोखरेलले बताए।

नवनियुक्त प्रमुख कार्यकारी अधिकृत पोखरेलको तीन दशकको देश तथा विदेशमा सँगालेको अनुभवले बैंकलाई नयाँ उचाइमा पुर्‍याउने कुरामा आफू विश्वस्त रहेको बैंकका अध्यक्ष इच्छाराज तामाङले बताए।

उनले बैंकले चालु आवमा व्यावसायिक आकारमा राम्रो प्रगति रहेको तथा आगामी दिनमा समेत निरन्तर प्रगति अगाडि बढ्नेमा विश्वस्त रहेको पनि बताए।

बैंकले चालु वर्षको जेठ मसान्तसम्म ८८.९४ अर्बको निक्षेप र ८३.६० अर्बको कर्जा विस्तार गर्न सफल भएको छ।


- Advertisement -


मल्टिमिडिया ग्यालरी

Comments

comments

Subscribe to our newsletter
Sign up here to get the latest news, updates and special offers delivered directly to your inbox.
You can unsubscribe at any time
Leave A Reply

Your email address will not be published.