चाँगुनारायण न.पाले मेलम्ची र हेलम्बुलाईे १५ लाख दिने , राहतका लागि भोली सिन्धुपाल्चोक जादै नगर प्रमुख मिश्र
Advertisement
०५ असार, भक्तपुर । चाँगुनारायण नगरपालिकाले बाढी र डुवानबाट प्रभावितको उद्धार तथा राहतका लागि सिन्धुपाल्चोकका मेलम्ची नगरपालिका र हेलम्बु गाउँपालिकालाई १५ लाख रुपैयाँ दिने भएको छ ।
नगर प्रमुख सोम मिश्रलाका अनुसार छिमेकी जिल्लाको बाढी र डुवान प्रभावित मेलम्ची र हेलम्बुलाई सहयोग गरेको जानकारी दिए । नगरसभाको बैठकमा नीति तथा कार्यक्रम पेश गर्दै उनले मेलम्ची नगरपालिकालाई १५ लाख रुपैयाँ सहयोगको घोषणा गरेको जनाए ।
मेलम्ची नदीमा आएको बाढी त्यसले गरेको धन–जनको क्षतिपछिको राहत तथा उद्दारका लागि सो रकम सहयोग गर्ने घोषणा गरेको प्रमुख मिश्रले जानकारी दिए ।
बाढीका कारण यतिबेला हजारौं नागरिकहरु घरबारबिहीन भएका छन् । कतिको व्यवसाय बाढीसँगै बगेर गएको छ भने अहिले कोही पनि आफ्नो घर फर्किएर ढुक्कसँग बस्न पाएका छैनन् ।
Comments
