Nepal's No. 1 Digital News Portal, Business, Corporate, Tourism, Politics, Sports, Entertainment, digitalkhabar.com ...express media network

ब्राजिलको कोपा अमेरिका कपमा लगातार दोस्रो जित

0 95

०४ असार, एजेन्सी। कोपा अमेरिकाआयोजक ब्राजिलले कोपा अमेरिका कपमा लगातार दोस्रो जित निकालेको छ ।

आज शुक्रबार बिहान भएको खेलमा पेरुमाथि सानदार जित दर्ता गरेको हो । घरेलु मैदानमा ब्राजिलले पेरुमाथि ४–० को सानदार जित हात पारेको हो ।

ब्राजिलको ओलम्पिक स्टेडियममा सम्पन्न खेलमा ब्राजिलको जितमा एलेक्स सान्द्रो, नेयमार र एभर्टन रिवेइरो र रिचार्लीसनले गोल गरे । पहिलो हाफमा एक तथा दोस्रो हाफमा तीन गोल भएको थियो ।

खेलको १२औं मिनेटमा एभर्टनको क्रस क्लियर हुन नसक्दा गाब्रियल जेससले मिलाइदिएको पासमा सान्द्रोले सहजै फिनिस गरेका थिए ।

६८औं मिनेटमा नेयमारले गोल गर्दै ब्राजिलको अग्रता दोब्बर पारे । फ्रेडको चलाखीपुर्ण पासलाई नियन्त्रणमा लिदै क्रिस्टियन रामोसलाई बिट गर्दै २० यार्डबाट नेयमारले गरेको प्रहारले जाली चुम्दा पेड्रो गाल्लेसले बचाउन सकेन ।

ब्राजिलका लागि उनको यो ६८औं गोल हो ।

८९औं मिनेटमा सब्सिच्युट एभर्टन रिवेइरोले गोल गर्दै ब्राजिललाई फराकिलो जिततर्फ अग्रसर गराए ।

इन्ज्युरी समयको थप गरिएको तेस्रो मिनेटमा सव्सिच्युट रिचार्लीसनले गोल गर्दै ब्राजिलाई ४–० को सानदार जित दिलाए ।

यो जितसँगै ब्राजिलले अपराजित यात्रालाई नवौं खेलसम्म लम्ब्याएको छ । ब्राजिजले यसअघि भेनेजुएलालाई ३–० ले पराजित गरेको थियो । यो जितसँगै ब्राजिलले कोपा अमेरिका कपको क्वाटरफाइनल पुग्ने सम्भावना बलियो बनाएको छ ।

समूह ‘बी’ शीर्षस्थानमा रहेको ब्राजिलको ६ अंक छ । दोस्रो स्थानमा रहेको कोलम्वियाको ४ अंक छ । १ अंक जोडेको भेनेजुएला तेस्रो स्थानमा रहँदा अंकविहीन इक्वेडर र पेरु चौथो र पाँचौ स्थानमा रहेको छ ।

अब ब्राजिलले तेस्रो खेलमा कोलम्वियासँग तथा पेरुले दोस्रो खेलमा कोलम्वियासँग नै खेल्नेछ ।

शुक्रबार बिहान नै भएको खेलमा कोलम्विया र भेनेजुएलाले गोलरहित बराबरी खेलेका थिए ।


- Advertisement -


मल्टिमिडिया ग्यालरी

Comments

comments

Subscribe to our newsletter
Sign up here to get the latest news, updates and special offers delivered directly to your inbox.
You can unsubscribe at any time
Leave A Reply

Your email address will not be published.