Advertisement
१२ जेठ, काठमाडौं । लुम्बिनी विश्वबिद्यालयका पूर्व उपकुलपती डा. नरेशमान बज्राचार्य लगायतका धार्मिक अगुवाहरुले कोभिड १९ लाई जित्नको लागि सचेतना र आम नागरिकलाई आत्मबल बिकास गर्नुका साथै बालबालिकालाई उत्प्रेरणा दिने कार्यक्रम सुरु गर्ने प्रतिवद्धता व्यक्त गरेका छन् ।
बुद्ध जयन्ती, उभौली,गोरख जयन्ती र चण्डी पुर्णीमाका अवसरमा सबै धर्मकाअगुवाहरुलाई भरच्युल माध्यमबाट एकै ठाउमा राखेर धार्मिक सद्भाव बृद्धि गर्ने र कोभिडका बिरुद्ध लड्ने उत्प्रेरणा बृद्धी गर्ने उद्देश्यले आयोजित कार्यक्रममा धार्मिक अगुवाहरुले उक्त कुरा बताउनु भएको हो ।
वल्डभिजन इन्टरनेशनल नेपाल, निरन नेपाल, अकोराब र सीआईएनको सहकार्यमा भरच्युल माध्यमबाट भएको कार्यक्रममा बिभिन्न धर्मका धार्मिक गुरु तथाअगुवाहरू, बालबालिका र बालबालिकाको क्षेत्रमा काम गर्ने संघसंस्थाका सय जनाभन्दा बढि प्रतिनिधिको सहभागिता रहेको थियो ।
हिन्दु बिद्यापिठका संस्थापक चिन्तामणी योगीले कोभिड १९काकारण बिद्यालय बन्द भएकाले अबिभावकहरुले बालबालिकालाई घरमा दैनिक तालिका बनाएर व्यवहारिक ज्ञान सिकाई व्यस्त बनाउनु पर्ने बताउनु भयो । उहाँले अहिलेको जस्तो अवस्था सधै नरहने भन्दै आशा जगाउने कार्यक्रम गर्न आफु तयार रहेको बताउनु भयो ।
मनोपरामर्शकर्ता गोपाल ढकालले बालमानोबिज्ञानमा त्रास फैलिएको र विद्यालय बन्द हुँदा अन्योलता बढेकाले उनीहरुका लागिआध्यात्मिक ज्ञान र उत्प्रेरणा दिने शिक्षा घरमै दिनु पर्ने बताउनु भयो । चिन्तामा रहेका बालबालिकालाई परामर्श दिने जीवनजगतको चक्रलाई बुझाउने काम परिवारका जेष्ठ सदश्य र धर्मगुरुहरुबाट गराउनु पर्ने उहाँले बताउनु भयो । कार्यक्रममा स्लामधर्मका अगुवा इरफान पोखरेलले कोभिडको समयमा आफ्नो समुदायमा हुने वालविवाह रोक्नको लागि आफुहरु सजक भएको बताउनु भयो ।
क्रिस्चीयन क्याथोलिक समुदायका अगुवा जस निरौलाले कोभिडको अहिलेको त्रासादिपूर्ण समयमा बालबालिकामात्रै होइन पौढहरुलाई पनि आफ्नो आफ्नो धर्मकाअगुवाहरुले उत्साह र आत्मवल बढाउनको लागिभूमिका खेल्न सक्ने बताउनु भयो । थानकोटका बिद्यार्थी सोभा पराजुलीले बालिका र महिलामाथि हुने हिंसा रोक्नधर्मगुरुहरुलाई आग्रह गर्नु भयो । किरातधर्मका गुरु तिर्थ राईले यस्तो बेलामा अबिभाबकले आफ्नो बालबालिकालाई प्रकृतिचिन्न सघाउनु पर्ने भन्दै उभौलीको शुभकामना दिनुभयो ।
बालबालिकाहरुकालागि यो बेलामा उत्प्रेरणामुलक कार्यक्रम सीआईएनमार्फत गर्न निरनकाअध्यक्ष हर्स थापा, चिन्तामणी योगी, भिक्षु पीयादासी लगायत आग्रहगर्नुभयो । सबै धर्मका चाडपर्वकाअवसरमा सबै धर्मका गुरुहरुलाई एकै ठाउमा राखेर सद्भाव बृद्धि र परिवर्तनका लागि संकल्प गराउने काम विगत वर्षदेखी सीआईएनले गर्दै आएको र आगामिदिनमा अझै धर्मगुरु र बालबालिकालाई जोड्ने कार्यक्रम सीआईएनले गर्ने सीआईएनका प्रवन्धक दीपकआचार्यले बताउनु भयो । इसाई धर्मकाअगुवा इसुजंग कार्कीले कोभिडको समयमाबाहिर घुम्नु भन्दा पनि धार्मिक पुस्तकहरु पढ्ने गर्नाले अबिभाबकका साथै छोराछोरीको पनि पढ्ने बानिको बिकास हुने बताउदै त्यता तर्फ ध्यानदिन सबै अबिभाबकलाई आग्रह गर्नुभयो ।
कर्मकाण्ड महासंघका उपाध्यक्ष रामचन्द्र भण्डारीले महासंघले अब सबै प्रकारका धार्मिक कार्य रोक्न र मठमन्दीरबाट फैलने संक्रमण रोक्न कामगर्ने प्रतिवद्धता व्यक्तगर्नु भयो । उहाँले बन्दाबन्दीको बेलामाविगतमा जस्तै यस पटक पनि बालविवाह हुन नदिन सबै धर्मगुरुलाई त्यस्तो कार्यमा सहभागिनहुनआग्रह गर्नु भयो । असोधाराका आचार्य डा. नम्रता पाण्डेले यस्तो समयमा बालबालिकालाई कलाकारिता र सकारात्मक कुराहरु मात्रै सिकाउनु पर्ने बताउनु भयो ।
Comments
