Nepal's No. 1 Digital News Portal, Business, Corporate, Tourism, Politics, Sports, Entertainment, digitalkhabar.com ...express media network

शरीरमा अक्सिजनको कमी हुँदा किन घोप्टो परेर सत्नुपर्छ ?

0 147

०३ जेठ, काठमाडौं । कृत्रिम प्रक्रियाबाट अक्सिजन लिनुपर्ने अवस्थामा पुगेका कोरोना संक्रमितलाई स्वास्थ्य तथा जनसंख्या मन्त्रालयले अक्सिजनको प्रयोग गर्दा ध्यान दिन आग्रह गरेको छ । अक्सिजन लिँदा विशेष ध्यान नपुर्याए अपेक्षित कार्य नहुने भन्दै मन्त्रालयले यसमा ध्यान दिन आग्रह गरेको हो ।

मन्त्रालयले सकेसम्म घोप्टो परेर सुत्न आग्रह गर्दै यसो गरे शरीरमा अक्सिजनको मात्रा बढाउन सहयोग पुग्ने बताएको छ ।

मन्त्रालयले बुँदागत रुपमा कसरी अक्सिजनको प्रयोग गर्ने उल्लेख गरेको छ :

– फ्लोमिटरमा अक्सिजन तल लेखिएको नेजल प्रङ्गमा ३ लिटर प्रति मिनेट, फेस मास्कमा ५ लिटर प्रति मिनेट र नन् ब्रिदिङ्ग मास्कमा १४ लिटर प्रति मिनेटभन्दा बढी नराखौं ।

– कोभिड–१९ बिरामीलाई ९० प्रतिशत अक्सिजन स्याचुरेसन भए पुग्छ ।

– एक–एक घण्टामा स्याचुरेसन हेरौं । स्याचुरेसन ९० प्रतिशतभन्दा कम छ भने १ लिटर प्रति मिनेटले फ्लो बढाऔं । र ९० प्रतिशत बढी छ भने १ लिटर प्रति मिनेटले फ्लो घटाऔं ।

– सधैं आफ्नो नेजल प्रङ्ग फेस मास्क, नन ब्रिदिङ्ग मास्क बाहिर सर्जिकल मास्कको प्रयोग गरौं ।

– खाना खाँदा र शौचालय जाँदा फ्लोमिटर पूर्णरुपले बन्द गरौं ।

–सकेसम्म घोप्टो परेर सुतौं, यसले शरीरमा अक्सिजनको मात्रा बढाउन मद्दत गर्छ ।

पछिल्लो समय कोरोना संक्रमितको उपचारका लागि ठूलो परिमाणमा अक्सिजनको प्रयोग हुँदै आएको छ । अक्सिजनको माग उच्च हुँदा यसको अभावमा सयौंले ज्यान गुमाइसकेका छन् । अक्सिजन तथा अक्सिजन सिलिण्डरको आवश्यकता र माग अनुसार सरकारले अस्पताल तथा संक्रमितलाई उपलब्ध गराउन सकेको छैन ।


- Advertisement -


मल्टिमिडिया ग्यालरी

Comments

comments

Subscribe to our newsletter
Sign up here to get the latest news, updates and special offers delivered directly to your inbox.
You can unsubscribe at any time
Leave A Reply

Your email address will not be published.