Nepal's No. 1 Digital News Portal, Business, Corporate, Tourism, Politics, Sports, Entertainment, digitalkhabar.com ...express media network

टि२० विश्वकपमा २० टोली!

0 86

०१ जेष्ठ, एजेन्सी । अन्तर्राष्ट्रिय क्रिकेट परिषद् (आइसिसी) ले टि२० विश्वकपमा २० टोलीलाई खेलाउने विचार गरेको छ । हाल टि२० विश्वकपमा १६ टोली सहभागिता जनाउँदै आएका छन् ।

यसै वर्ष भारतमा र अर्को वर्ष अष्ट्रेलियामा टि२० विश्वकप हुँदै छ । आइसिसीले त्यसपछि हुने सन् २०२४ को संस्करणदेखि टि२० विश्वकपमा सहभागी सङ्ख्या २० पुर्याउन विस्तार गर्न छलफल थालिएको बुझिएको छ । जसमा २० देशलाई ४ समूहमा विभाजन गरिने योजना छ । एकदिवसिय विश्वकपमा १० बाट १४ सङ्ख्या पुर्याउनेमा पनि छलफल गरिरहेको बुझिएको छ ।

ओलम्पिकमा सहभागिता जनाउनेमा पनि आइसिसी सकरात्मक देखिएको छ । त्यस्तै आइसिसी इन्टरकन्टिलेन्टल कप फरक नाममा गर्नेमा आइसिसी सकरात्मक देखिएको छ । इन्टरकन्टिनेन्टल कप एसोसियट देशबीच प्रतिस्पर्धा हुनेछ । जुन प्रथम श्रेणीको हुने छ ।

यस प्रतियोगिताको स्वरूप पहिला भन्दा परिवर्तन हुने छ । उक्त प्रतियोगिता नाम परिवर्तन गर्ने बुझिएको छ । टेष्ट शैलीको ढाचाँमा खेलाइने जनाएको छ । जसलाई दोस्रो श्रेणीको टेष्ट नाम दिइने आइसिसीले विचार र छलफल गरि रहेको छ ।

टि२० विश्वकपमा २० र एकदिवसियमा १४ देश पुर्याउँदा नेपाल लगायतका एसोसियट देशलाई धेरै फाइदा र सहज हुनेछ । २०१९ मा एकदिवसिय विश्वकपमा १० टोलीमात्र प्रतिस्पर्धा गरेका थिए । जसमा जिम्बावे र आयरल्यान्ड जस्ता टेष्ट टोली विश्वकप खेल्न नपाउँदा आइसिसीको निकै आलोचना भएको थियो ।

विश्वकपमा १० टोलीमात्र हुँदा एसोसियट देशको लागि सहभागिता एउटा सपना नै बनेको छ । दोस्रो डिभिजनको टेष्ट शैलीले नेपाल लगायतका एसोसियट देशलाई टेष्ट खेल्ने सपना पूरा गर्न धेरै फाइदा पुग्ने छ । क्रिकेट विकास र संस्कारमा पनि परिवर्तन ल्याउने अनुमान गरिएको छ ।

नेपाल हाल २०२२ को टि२० विश्वकप ग्लोबल छनोट खेल्ने तयारीमा छ । उक्त विश्वकपमा १६ टोली हुँदा समूह ए मा रहेको नेपाललाई विश्वकपमा स्थान बनाउन शीर्ष दुईमा पर्नुपर्ने हुन्छ । एकदिवसिय विश्वकप छनोट नेपालले आइसिसी विश्वकप लिग–२ खेलेको छ ।

विश्वकप लिग २ मा ७ टोलीबीच २०२३ सम्म प्रतिस्पर्धा हुँदा शीर्ष तीनमा पर्न सके ग्लोबल क्वालिफायरमा सिधैं मौका पाउने छ । शीर्ष तीनमा पर्न नसके नेपालले क्वालिफायर प्ले अफ खेल्दै शीर्ष दुईमा रहन सके ग्लोबलमा स्थान बनाउने अर्को अवसर पाउने छ । २०१९ देखि सुरु भएको यस सुपर लिग २ मा नेपालले ४ खेल मात्र खेलेको छ । जसमा २ जित र २ हारको नतिजा रहेको छ ।


- Advertisement -


मल्टिमिडिया ग्यालरी

Comments

comments

Subscribe to our newsletter
Sign up here to get the latest news, updates and special offers delivered directly to your inbox.
You can unsubscribe at any time
Leave A Reply

Your email address will not be published.