Advertisement
किरण केसी ‘राता मकै’
२९ वैशाख, काठमाडौं । हास्य कलाकार किरण केसी ‘राता मकै’ नेपाली हास्य विधामा चिनाइरहनुपर्ने नाम होइन । किरण जति राम्रो अभिनय गर्छन्, उनी नै राम्रो प्रहसन पनि गर्छन् ।
उनी अभिनय गर्छन् । गीत गाउछन् । सँगै समाजसेवा पनि गर्छन् । समय–समयमा सामाजिक सञ्जालमा सामाजिकसँगै राजनीतिक विषयमा आफ्ना धारणा सार्वजनिक गरिरहन्छन् ।
संसदबाट प्रधानमन्त्री केपी शर्मा ओलीले विश्वासको मत गुमाएपछि उनी अहिले कामचलाउको हैसियतमा काम गरिरहेका छन् । उनी कामचलाउ बनेपछि नेकपा माओवादी केन्द्र, नेपाली काँग्रेस र जसपा नयाँ सरकार बनाउने रस्साकस्सीमा व्यस्त छन् ।
यही परिप्रेक्ष्यमा किरणले बुधबार सामाजिक सञ्जालमा प्रधानमन्त्री फेर्ने विषयमा नेताप्रति लक्षित गर्दै व्यंग्य लेखेका छन् ।
‘तपाईहरू प्रधानमन्त्री फेर्नुहोस्, ‘तपाईहरू भन्नै मन लागेन’ । तिमीहरू मन्त्री फेर, मुख्यमन्त्री फेर, सचिव फेर, राजदुत फेर, संवैधानिक अंगका प्रमुखहरू फेर,’ उनी लेख्छन्, ‘र साथसाथै आफ्नो दिमाग पनि फेर । काम कुरा एकातिर कुम्लो बोकी ठिमीतिर भन्या जस्तो ।
उनले जनतालाई सास फेर्न गाह्रो भैसकेको उल्लेख गर्दै राजनीतिलाई ‘गन्धा राजनीति’को संज्ञा दिएका छन् ।
‘जनताहरूलाई सास फेर्न गाह्रो भैसक्यो, सास फेर्न । छिछिछि गन्धा राजनीति । सबैलाई चेतना भया !!!’ उनले लेखेका छन् ।
Comments
