Nepal's No. 1 Digital News Portal, Business, Corporate, Tourism, Politics, Sports, Entertainment, digitalkhabar.com ...express media network

काठमाडौँमा निषेधाज्ञा लागु गर्न छलफलमा सिडिओहरु

0 79

१३ बैशाख, काठमाडौं । कोरोना भाइरसको संक्रमण तीव्र रुपमा बढ्दै गएपछि निषेधाज्ञासहितका प्रतिबन्धात्मक उपायहरु लागु गर्ने विकल्पबारे काठमाडौँ उपत्यकाका प्रमुख जिल्ला अधिकारीहरुबिच छलफल भइरहेको छ ।

काठमाडौँ, ललितपुर तथा भक्तपुरका प्रमुख जिल्ला अधिकारीहरुबिच संक्रमण रोकथामका लागि निषेधाज्ञा लागु गर्ने तथा अत्यावश्यक बाहेकका सेवा बन्द गर्ने विकल्पमाथि छलफल भइरहेको हो ।

सोमबार तीनै जिल्लाका प्रमुख जिल्ला अधिकारीहरुले गृह सचिव महेश्वर न्यौपानेसँग छलफल गरेका थिए । त्यसपछि उनीहरु आपसमा परामर्शमा जुटेका हुन् । सो छलफलमा वैशाख १६ गते अर्थात आउँदो बिहीबारदेखि निषेधाज्ञा लागु गर्ने प्रस्ताव पेश भएको थियो ।

आपसमा छलफल गरेपछि अहिले फेरि तीनै जिल्लाका प्रमुख जिल्ला अधिकारीहरु गृह सचिव न्यौपानेसहितको वार्तामा छन् ।

भक्तपुरका प्रमुख जिल्ला अधिकारी प्रेमप्रसाद भट्टराईले भने, ‘हामी अहिले सचिव ज्यूसहितका छलफलमा छौँ

१६ गतेदेखि निषेधाज्ञा लगाउने प्रस्ताव पेश भएको हो । तर निर्णय भएको छैन । हामी छलफलमै छौँ । संक्रमण नियन्त्रणका लागि प्रतिबन्धात्मक उपाय लाग्न सक्छ, तर कहिलेदेखि र के के कुरामा रोक लाग्ने वा बन्द हुने छ भन्ने अहिले नै भन्न सकिँदैन ।’


- Advertisement -


मल्टिमिडिया ग्यालरी

Comments

comments

Subscribe to our newsletter
Sign up here to get the latest news, updates and special offers delivered directly to your inbox.
You can unsubscribe at any time
Leave A Reply

Your email address will not be published.