काठमाडौं उपत्यकामा जारी हुन सक्छ निषेधाज्ञा !
१३ बैशाख, काठमाडौं । काठमाडौं उपत्यकामा बुधबारदेखि निषेधाज्ञा जारी गर्ने तयारी सरकारले गरेको छ ।
कोभिड संकट व्यवस्थापन केन्द्रको सिफारिसअनुसार उपत्यकामा रहेका तीन जिल्लाका प्रमुख जिल्ला अधिकारीहरुको बैठक आज बस्दैछ ।
आज बस्ने बैठकले सीसीएमसीको सिफारिसका सम्बन्धमा आवश्यक निर्णय लिन सक्नेछ ।
“सीसीएमसीको सिफारिस भन्ने हामीले पनि सुन्यौँ,” काठमाडौंका प्रमुख जिल्ला अधिकारी कालीप्रसाद अधिकारीले भन्नुभयाे, “सोमबार हामी छलफल गर्दैछौँ । त्यसपछि निर्णय गर्नेछौँ ।”