Nepal's No. 1 Digital News Portal, Business, Corporate, Tourism, Politics, Sports, Entertainment, digitalkhabar.com ...express media network

देवघाट-ठिमुरा जोड्ने भत्किएको पुलबाट त्रिशूलीमा खस्दा १को मृत्यु, २ बेपत्ता, ७ घाइते (अपडेट)

0 119

१२ बैशाख, चितवन । भरतपुर महानगरपालिका–१ ठिमुराबाट तनहुँको देवघाट जोड्ने पुलको काम गरिरहेका करिब एक दर्जन मजदुर त्रिशूलीमा खस्दा एकको घटनास्थलबाट उपचारको लागि अस्पताल लैजाने क्रममा मृत्यु भएको छ ।

घटनामा थप ७ जना गम्भीर घाइते भएका छन्, भने दुई जना बेपत्ता भएका छन् । तीन जना मजदुरको भने सकुसल उद्दार गरिएको जिल्ला प्रहरी कार्यालय चितवनका प्रमुख प्रहरी उपरीक्षक ओमप्रसाद अधिकारीले जानकारी दिए ।

आइतबार (आज) बिहान ९ बजेतिर पुलमा काम गरिरहेका फलामसहित मजदुर खसेका थिए । दुई जना त्रिशूलीमा बेपत्ता भएका र फलामले च्यापिएका तीन जनाको सकुसल उद्दार गरिएको र उद्दार गरिएकालाई भरतपुरको चितवन मेडिकल कलेजमा उपचार भइरहेको एसपी अधिकारीले जानकारी दिए ।

बेपत्ताको खोजी थालिएको एसपी अधिकारीले बताए । यता, डिभिजन सडक कार्यालय चितवनका प्रमुख कृष्णराज अधिकारीले फलामको काम गरिरहेका जलप नेपालका मजदुर नदीमा खसेको जानकारी दिए ।

पुल निर्माणमा खटिएको जलप नेपालका सञ्चालक ताराप्रसाद पौडेलले त्यहाँ आज बिहानैदेखि १८ मजदुरले काम गरेको जानकारी दिए । ठिमुरा र देवघाट गाउँपालिका–५ घिनाटार जोड्ने ८.५ मिटर चौडाइ भएको २२० मिटर लामो पुल निर्माण भइरहेको छ ।

त्यसोत, निर्माणाधीन उक्त पुलको केही भाग गत चैत २४ गते भाँचिएर नदीमा खसेको थियो ।


- Advertisement -


मल्टिमिडिया ग्यालरी

Comments

comments

Subscribe to our newsletter
Sign up here to get the latest news, updates and special offers delivered directly to your inbox.
You can unsubscribe at any time
Leave A Reply

Your email address will not be published.