Nepal's No. 1 Digital News Portal, Business, Corporate, Tourism, Politics, Sports, Entertainment, digitalkhabar.com ...express media network

एपीएफ भोटेकोशी गाउँपालिका अध्यक्ष कप भलिबलको च्याम्पियन

0 792

११ वैशाख, काठमाडौं । विभागीय टिम एपीएफ क्लब भोटेकोशी गाउँपालिका अध्यक्ष कप राष्ट्रिय महिला भलिबल प्रतियोगितामा च्यापियन बनेको छ । शनिबार भएको उपाधि भिडन्तमा एपीएफले न्यू डायमण्डमाथि ३–० को सहज जित निकाल्ने क्रममा २५–१६, २५–२२ र २५–१४ को सोझो सेटमा स्तब्ध बनायो ।

एपीएफकी सरस्वती चौधरीले उत्कृष्ट प्रदर्शन गदै स्पाइकमार्फत २४ अंक जोड्दा ब्लक र सर्भिसमा एक–एक अंक जोडेकी थिइन् । कुल २६ अंकको योगदान दिएकी सरस्वतीले आफ्नो गल्तीका कारण ५ अंक विपक्षी टिम न्यू डायमण्डले प्राप्त गरेको थियो । एपीएफकै रेश्मा भण्डारी र पूजा चौधरीले सात सात अंकको योगदान दिएका थिए ।

उपाधि विजेता एपीएफले नगद ३ लाख रुपैयाँ प्राप्त गरेको छ भने उपविजेता न्यू डायमण्डले २ लाखसहित ट्रफी प्राप्त ग¥यो । प्रतियोगितामा एपीएफकी सरस्वती चौधरीले उत्कृष्ट खेलाडीको उपाधि जितिन् । उनले २० हजार पुरस्कार प्राप्त गरिन् । सरस्वतीलाई हिमालय सीमापार वाणिज्य संघका अध्यक्षले सम्मान स्वरुप नगद ५० हजारसमेत प्रदान गरे ।

प्रतियोगिताको विधागत पुरस्कारतर्फ आर्मीकी शान्ति थारुले बेष्ट स्पाइकर, आर्मीकै सुनिता खड्काले बेष्ट ब्लकरको उपाधि जिते । न्यू डायमण्डकी प्रतिभा मालीले बेष्ट सर्भर, सलिना श्रेष्ठले बेष्ट डिफेन्सको उपाधि हात पारे । यसैगरी एपीएफकी विनिता बुढाथोकी बेष्ट सेटर चुनिइन् । विधागततर्फ उपाधि विजेताले जनही ७ हजार रुपैयाँ प्राप्त गरे ।


- Advertisement -


मल्टिमिडिया ग्यालरी

Comments

comments

Subscribe to our newsletter
Sign up here to get the latest news, updates and special offers delivered directly to your inbox.
You can unsubscribe at any time
Leave A Reply

Your email address will not be published.