Nepal's No. 1 Digital News Portal, Business, Corporate, Tourism, Politics, Sports, Entertainment, digitalkhabar.com ...express media network

नेपाल टेलिकमकाे नयाँ सोधपुछ तथा ग्राहक सेवा केन्द्र सञ्चालनमा

0 166

१० बैशाख, काठमाडौं ।  टेलिकमले शुक्रबारदेखि नयाँ संरचना तयार गरी ग्राहक सेवा केन्द्र सञ्चालनमा ल्याएको छ । नेपाल टेलिकमले नयाँ सोधपुछ तथा ग्राहक सेवा केन्द्र सञ्चालनमा ल्याएको हो । सूचना तथा सञ्चार राज्यमन्त्री तप्तबहादुर विष्टले नयाँ सेवा केन्द्रको शुभारम्भ गरेका छन् ।

पहिलेदेखि नै सेवा सञ्चालन गरिए भए पनि अहिले नयाँ व्यवस्थापन गरी सञ्चालन गरिएको टेलिकम ग्राहक सेवा निर्देशनालयका निर्देशक देवनारायण यादवले जानकारी दिए । यसअघि १९७ मार्फत हुने सोधपुछ सेवा शुक्रबारदेखि १९८ डायल गरेर प्राप्त गर्न सकिनेछ ।

वायरलाइन ग्राहकका लागि १९८ र जीएसएम तथा सीडीएमए मोबाइलका ग्राहकले १४९८ नम्बर डायल गरी सेवासम्बन्धी गुनासा, जिज्ञासा र आवश्यक जानकारी लिन सकिने टेलिकमले शुक्रबार जारी गरेको प्रेस विज्ञप्तिमा उल्लेख छ । यो सेवा निःशुल्क रहेको जनाइएको छ ।

नयाँ सेवा केन्द्रबाट एसएमएस, ई-मेल तथा वेब च्याटमार्फत सोधपुछ तथा ग्राहक सेवा उपलब्ध गराउने तयारी छ ।

हालसम्म टेलिफोनबाट मात्र सेवा दिइरहेकोमा नयाँ सेवा केन्द्रबाट एसएमएस, ई-मेल तथा वेब च्याटमार्फत सोधपुछ तथा ग्राहक सेवा उपलब्ध गराउने तयारी भएको छ । फेसबुक, ट्वीटरलगायत सामाजिक सञ्जालमार्फत प्राप्त सुझाव तथा गुनासाको जवाफ पनि उपलब्ध गराउने व्यवस्था गरिने टेलिकमले जानकारी दिएको छ । टेलिकमको यस्तो सोधपुछ तथा ग्राहकसम्बन्धी सेवा बाह्य संस्थामार्फत भएको छ । हाल नयाँ व्यवस्थापनसहित हाइवे लिंक प्रालिसँग सम्झौता गरी यस्तो सेवा उपलब्ध गराउन थालिएको टेलिकमको भनाइ छ ।

सेवा शुभारम्भ गर्दै राज्यमन्त्री विष्टले नेपाल टेलिकमको सेवाप्रति नेपाली जनता पूर्ण रूपमा विश्वस्त भए पनि ग्राहकसँग निरन्तर नजिक भइरहन सोधपुछ तथा ग्राहक सेवा केन्द्र आवश्यक पर्ने उल्लेख गरे । यस्तो सेवा केन्द्रले ग्राहकको अपेक्षा पूरा गर्न थप सहयोग पुर्‍याउने विश्वास व्यक्त गरे । उनले समयसापेक्ष नयाँ प्रविधि भित्र्याएर सेवा उपलब्ध गराउन सके ग्राहक सन्तुष्ट हुन सक्ने र राजस्व पनि वृद्धि गर्न सकिने उनले बताए ।

सूचना तथा सञ्चार मन्त्रालयका सचिव महेन्द्रमान गुरुङले नेपाल टेलिकमका सामु विविध चुनौती भएकाले त्यसलाई अवसरमा बदल्न सेवा केन्द्रले सहयोग पुर्‍याउने जानकारी दिए । ग्राहकका जिज्ञासा तथा गुनासालाई समयमै सम्बोधन गर्न र कम्पनीलाई ग्राहकप्रति उत्तरदायी बनाइरहन सेवा केन्द्रको भूमिका महत्र्वपूर्ण हुने नेपाल टेलिकमकी प्रबन्ध निर्देशक कामिनी राजभण्डारीले बताइन् ।


- Advertisement -


मल्टिमिडिया ग्यालरी

Comments

comments

Subscribe to our newsletter
Sign up here to get the latest news, updates and special offers delivered directly to your inbox.
You can unsubscribe at any time
Leave A Reply

Your email address will not be published.