मलेसियाविरुद्ध पहिले ब्याटिङ गर्दै नेपाल
०९ वैशाख, काठमाडौं । त्रिकोणात्मक टी२० सिरिज अन्तर्गत आज हुने अन्तिम खेलमा नेपालले मलेसिया विरुद्ध पहिले ब्याटिङ गर्दैछ ।
कीर्तिपुरस्थित टीयू अन्तर्राष्ट्रिय मैदानमा मलेसिया टस जितेर फिल्डिङ रोजेपछि नेपालले पहिले ब्याटिङ गर्ने भएको हो । यसअघि भएको खेलमा नेपालले मलेसियालाई ९ विकेटले पराजित गरेको थियो ।
बुधबार नेदरल्याण्ड्स र मलेसियाले बराबरी खेलेपछि नेपाल फाइनलमा पुगेको थियो । आजको नेपालसँगको खेल जिते पनि मलेसिया फाइनल पुग्ने छैन ।
अंक तालिकामा नेदरल्याड्स ५ अंकसहित पहिलो स्थानमा छ । नेपालको चार अंक छ । आजको खेल जिते नेपाल ६ अंकसहित पहिलो स्थानमा हुनेछ । हारे पनि मलेसियाको तीन अंकमात्र हुनेछ ।