Nepal's No. 1 Digital News Portal, Business, Corporate, Tourism, Politics, Sports, Entertainment, digitalkhabar.com ...express media network

ओलीको कारवाहीविरुद्ध नेपाल-खनाल समूहले दायर गरेको रिट सर्वोच्चमा दर्ता

0 93

०९ बैशाख, काठमाडौं । एमालेका नेता माधवकुमार नेपाल र झलनाथ खनाल समूहले प्रधानमन्त्री तथा पार्टी अध्यक्ष केपी ओलीले गर्न लागेको कारबाहीविरुद्ध बुधबार दायर गरेको रिट सर्वोच्च अदालतमा दर्ता भएको छ । रिटको पेशी भने आइतबारका लागि तोकिएको सर्वोच्च अदालत स्रोतले जनाएको छ।

प्रधानमन्त्री केपी ओलीले कारवाही प्रक्रिया अघि बढाएपछि त्यसलाई रोक्न एमालेका नेता नेपाल र झलनाथ खनाल समूह बुधबार सर्वोच्च अदालत पुगेका थिए। ओलीले गरेको कारबाही प्रक्रिया पार्टी विधान र कानुनविपरित भएको भन्दै उनीहरू सर्वोच्च गएका थिए। निवेदन बुधबार भने दर्ता भएको थिएन।

यसअघि ओलीले मंगलबार नेपाल समूहका २७ जना संघीय संसद र कर्णाली प्रदेशका ५ जना गरी ३२ सांसदलाई स्पष्टीकरण सोधेका थिए। नेकपा एमालेका नेपालसहित केही सांसदले प्रधानमन्त्री तथा पार्टी अध्यक्ष केपी ओलीले सोधेको स्पष्टीकरणको जवाफ दिइसकेका छन्।

नेपालसहित भीम रावल, सुरेन्द्र पाण्डे र घनश्याम भुसाललाई यसअघि पनि स्पष्टीकरण सोधिएकोमा उनीहरुलाई पुन: स्पष्टीकरण सोधिएको हो। उनीहरु चारजनाले ३ दिनभित्र र बाँकीलाई २ दिनभित्र जवाफ पेश गर्न भनिएको छ।

उनीहरु सबैलाई एमालेको विधान २०४९ (संशोधन २०७१) को धारा ४९ (क) ९१० देखि ९७० र ९१२० र ९१४० मा भएका व्यवस्थाविपरीत अनुशासन उल्लङ्घन गरेकाले विधानको धारा ४९ (ख) (ग) धारा ५० बमोजिम र राजनीतिक दलसम्बन्धी ऐन २०७३ को दफा १(ग) बमोजिम कारवाही किन नगर्ने भनेर स्पष्टीकरण सोधिएको छ ।


- Advertisement -


मल्टिमिडिया ग्यालरी

Comments

comments

Subscribe to our newsletter
Sign up here to get the latest news, updates and special offers delivered directly to your inbox.
You can unsubscribe at any time
Leave A Reply

Your email address will not be published.