Nepal's No. 1 Digital News Portal, Business, Corporate, Tourism, Politics, Sports, Entertainment, digitalkhabar.com ...express media network

मुक्तिनाथ मन्दिर शनिबारदेखि बन्द हुने

0 121

०८ बैशाख, जोमसोम । हिमाली जिल्ला मुस्ताङकोे मुक्तिनाथ मन्दिर शनिबारदेखि बन्द हुने भएको छ । वैशाख ८ गते बसेको कोभिड-१९संकट व्यवस्थापन केन्द्र(सीसीएमसी)बैठकले ले मन्दिर बन्द गर्ने निर्णय गरेको हो ।

कोभिड–१९ को जोखिम बढ्न सक्ने भएकाले मुक्तिनाथ मन्दिरसहित जिल्लाका मठ मन्दिर, गुम्बा, चर्चजस्ता धार्मिक स्थलहरु शनिवारदेखि वैशाख मसान्तसम्म बन्द गर्ने निर्णय भएको मुस्ताङका प्रमुख जिल्ला अधिकारी जगदीश अर्यालले जानकारी दिए ।

गण्डकी प्रदेशका सांसद महेन्द्रबहादुर थकालीको उपस्थितिमा जिल्ला स्वास्थ्य कार्यालय, अन्नपूर्ण संरक्षण क्षेत्र आयोजना (एक्याप), जिसस मुस्ताङ, जिल्ला अस्पताल जोमसोम, तीनवटा सुरक्षा निकायका प्रमुख र पत्रकार लगायत उपस्थिति भएको जिल्ला सीसीएमसीको बैठकले ४ बुँदे निर्णय गरेको हो ।

यस अघि चैत्र १२ गते बसेको डीसीसीएमसीको बैठकले मुस्ताङको ५ वटा स्थानीय तहमा क्वारेन्टीन र आइसोलेसन कक्ष उपलब्ध गराउने स्थानीय तहसँग समन्वय गरेको छ ।

नेपाल सरकारले कोभिड-१९ को माहामारी जोखिम नियन्त्रणको लागि जनस्वास्थ्यका मापदण्डहरु कार्यान्वयनमा ल्याएको छ । समितिले मुस्ताङमा टाढा-टाढाबाट दर्शनका लागि मुक्तिनाथ आएका तिर्थालुको समस्या र कोभिडको उच्च जोखिम हुने भएकाले शनिवारदेखि जिल्लाका सबै धार्मिक स्थलको औपचारिक कर्म बन्द गराएको हो ।

पछिल्लो समय नेपालमा कोभिड-१९ को दोस्रो लहर फैलिए पनि चैते दशैं औंशीदेखि रामनवमीसम्म करिव ५० हजार धार्मिक पर्यटक मुस्ताङ भित्रिएको अनुमान गरिएको छ । मुक्तिनाथमा भारत लगायत नेपालका विभिन्न जिल्लाबाट पर्यटक मुस्ताङ भित्रिएपछि मुस्ताङमा कोभिडको जोखिम बढेको हो ।


- Advertisement -


मल्टिमिडिया ग्यालरी

Comments

comments

Subscribe to our newsletter
Sign up here to get the latest news, updates and special offers delivered directly to your inbox.
You can unsubscribe at any time
Leave A Reply

Your email address will not be published.