Advertisement
२९ चैत, काठमाडाै । देशमा रोजगार नपाएपछि युवा रोजगारीका लागि विदेशिनु बाध्यता हो । अहिले कञ्चनपुरको सिमानाका गड्डा चौँकीबाट रोजगारी गरेर नयाँ वर्ष मनाउन घर फर्किनेको लर्को लागेको छ ।
तर, नयाँ वर्ष मनाउन घर फर्किनेहरुको व्यथा शब्दमा भन्न सकिँदैन । एकातिर कोरोनाको सन्त्रास त अर्कातिर व्यवसायीको चर्काे भाडाको मारमा फर्किनेहरु परेका छन् । नयाँ वर्षमा परिवारसँगै बसेर सुःख, दुःख साटासाट गर्न भारतको बैंगलोरबाट नयाँ वर्ष मनाउन आएका गंगाराम धमाला बताउछन् । एकातिर कोरोनाको सन्त्रास र अर्काेतर्फ भारतका यातायात ब्यवसायीले चर्को भाडासमेत असुल गरेको उनले बताए ।
जिल्ला प्रहरी कार्यालय कञ्चनपुरका प्रहरी उपरीक्षक उमा प्रसाद चर्तुवेदीले सीमानाकामा भारतबाट फर्किने नेपालीलाई गन्तव्यसम्म सुरक्षित पुर्याउनका भारतीय सुरक्षाकर्मीसँग सम्पर्क गरिरहेको बताएका छन् । उनका अनुसार फर्किएकाहरुको स्वास्थ्य चेकजाँचका हेल्प डेस्कसमेत स्थापना गरिएको छ ।
अहिले भारतमा कोरोना सक्रमण बढ्दो छ । त्यसो त भारतबाट फर्किने नेपालीमा अहिले कारोना सक्रमण देखिएकाले गड्डाचौकी सिमानाकामा फर्किने नेपालीको स्वास्थ्य परीक्षण सामान्य रुपमा भएको छ । स्वास्थ्य कार्यालय कञ्चनपुरका प्रमुख शिवराज सुनार भन्छन्, ‘सामान्य स्वास्थ्य चेकजाच गरी नेपाल भित्राइएको छ ।’
भारतमा बढ्दै गइरहेको कोरोना सक्रमणलाइ मध्यनजर गर्दै नेपाल सरकारले पनि सीमामा कोरोना संक्रमण छ कि छैन्ने भन्नेमा एन्टिेजन परीक्षणको संख्यालाई बढाउनुपर्ने देखिएको छ । यसो गरिएको खण्डमा लुकीछिपी नेपाल प्रवेश गर्नेहरुलाई प्राथमिक रुपमै नियन्त्रणमा लिएर कोरोना संक्रमणबाट टाढा रहन सकिने स्वास्थ्य कार्यालय कञ्चनपुरका प्रमुख सुनार बताउछन् ।
Comments
