Nepal's No. 1 Digital News Portal, Business, Corporate, Tourism, Politics, Sports, Entertainment, digitalkhabar.com ...express media network

खोपको प्रभावकारिता कम भएको चिनियाँ अधिकारीको स्वीकारोक्ति

0 102

२९ चैत, बेइजिङ । चीनले बनाएको कोरोना भाइरसविरुद्धको खोप कम प्रभावकारी रहेको पाइएको चिनियाँ अधिकारीले बताएका छन् ।

शनिबार दक्षिण–पश्चिमी शहर चेङ्दुमा भएको सम्मेलनमा एक अधिकारीले यस्तो बताएका समाचार संस्था एपीले जनाएको छ ।

चिनियाँ खोपको सुरक्षादर उच्च नभएको भन्दै चीनको रोग नियन्त्रण केन्द्रका निर्देशक गाओ फूले सुरक्षादर बढाउन खोपलाई मिसाउने तयारी भइरहेको जानकारी दिए ।

“प्रतिरक्षा बढाउन फरक प्रविधिबाट बनेका अन्य खोपको प्रयोग गर्ने वा नगर्ने औपचारिक निर्णय गर्ने विषय विचाराधिन छ,” निर्देशक गाओले भने ।

चिनियाँ कम्पनी सिनोभ्याकले बनाएको खोपको प्रभावकारिता ५०.४ प्रतिशत मात्र रहेको ब्राजिलमा गरिएको एक अध्ययनले देखाएको थियो । जबकी फाइजरको खोपको प्रभावकारिता ९७ प्रतिशत मानिएको छ ।

चीनमा अहिलेसम्म कुनै विदेशी खोपले प्रयोगको अनुमति पाएको छैन । गाओले यस विषयमा थप जानकारी नदिए पनि खोप उत्पादक पश्चिमा कम्पनीले प्रयोग गर्ने एम–आरएनए प्रविधिको उल्लेख गरेका समाचारमा जनाइएको छ ।

एम–आरएनए खोपको सुरक्षाका विषयमा यसअघि गाओ र चीनियाँ सञ्चारमाध्यमले प्रश्न उठाउँदै आएका थिए ।


- Advertisement -


मल्टिमिडिया ग्यालरी

Comments

comments

Subscribe to our newsletter
Sign up here to get the latest news, updates and special offers delivered directly to your inbox.
You can unsubscribe at any time
Leave A Reply

Your email address will not be published.