याेगेन्द्र खरेल
२७ चैत, लिस्वाेन पाेर्चुगल । पाेर्चुगलकाे लिस्वाेन स्थित लक्ष्मी ट्राभलकाे ठगि काण्ड केही समय अगाडि देखि प्रदाफास हुँदै आइरहेकाे थियाे । केही समय अगाडि पनि सेवाग्राहीलाई ठगेकाे भन्ने समाचार केही अनलाइन मिडियाहरुले सप्रमाण बाहिर ल्याएका थिए । तर त्यति खेर उक्त ट्राभल एजेन्सीलाई कुनै कार्वाही भएन । किन र कसरी उक्त घटनाका दाेषिलाई कारवाही गरिएन भन्ने कुरामा अझै अन्याेलता नै छ । उक्त ट्राभल का मालिक बिक्रम जंग कुवर एनआरएनए पाेर्चुगलका काेषाध्यक्ष समेत रहेकाले, एनआरएनए कै मिलिमाेताे मा उक्त काण्ड थामथुम पारियाे भन्ने शंका सर्वत्र उठ्ने गरेकाे पाइन्छ । यथार्थ के हाे त्याे अझै बाहिर आइसकेकाे छैन ।
आफ्नै संस्थामा आबद्ध ब्यक्तिकाे बारे त्यति सम्म कुरा उठेपछि आवश्यक छानबिनमा चासाे नदिएको कारण , आम नागरिक एनआरएनए प्रति आक्राेशित हुनु स्वाभाविक नै हाे । सायद त्यति बेला आवश्यक कार्वाहि हुन सकेकाे भए आज दर्जनाै नेपालिहरु ठगिने दिन आउदैन थियाे हाेला भन्ने आमनागरिकहरुकाे बुझाइ स्वभाविक नै छ ।
उक्त घटना सेलाउन नपाउदै साेहि ट्राभल एजेन्सि र उक्त एजेन्सिका मालिककाे आवश्यकता भन्दा बढि महिमा गाएर समाचार यहाँ बाट सन्चालित केही अनलाइन पत्रिकाहरुले प्रशारण गरेका र यसले आम नागरिकमा भ्रम सृजना भएकाे भन्ने एक थरिकाे बुझाइ छ । सायद यहि बुझाइकाे कारण अहिले पत्रकारहरु समेत एकअर्कालाई आराेपप्रत्याराेप मा उत्रेकाे पाइन्छ । जुन समग्र पत्रकारहरुकाे लागि राम्रो हाेईन । बिज्ञापन पाउने आशा वा अन्य स्वार्थका कारण विवादित मान्छेकाे बारे प्रशंसा गर्दै समाचार सम्प्रेषण गर्नु पत्रकारिताकाे धर्म भित्र पर्दैन , यसमा सबै पत्रकारहरु सचेत हुन जरुरि देखिन्छ नै ।
अहिले जुन संख्यामा लक्ष्मी ट्राभलले नेपालिहरुलाइ ठगि गरिरहेकाे छ ,यस घटनालाइ सामान्य रुपमा लिनु हुदैन । यस घटनालाइ यस्ताे बिन्दुमा पुर्याउनु पर्छ कि अब आइन्दा कुनै संस्था वा व्यक्ति ले कसै प्रति ठगि गर्ने बारे साेच्न पनि नसकाेस ।
अब यसलाई सम्यमित भइ आपसी तितामिठाहरुलाई एक्कै छिन थाति राखेर पाेर्चुगलमा सक्रिय सबै संघ संस्थाहरु एकजुट भई याे घटना संगसंगै यस्ता प्रकारका प्रवृत्तिहरुकाे जरैदेखि उखेल्ने प्रयास गर्नु पर्ने देखिन्छ । अब यस घटनाका तत्कालीन र दिर्घकालिन याेजना बनाइ अघि बढ्नु नितान्त आवश्यक देखिन्छ । धेरै जसाे पिडितहरु काम र काेठा दुबै छाेडेकाे ले तत्कालीन रुपमा उनिहरुलाई सकुशल नेपाल जाने वातावरण मिलाउनु पर्ने हुन्छ । यसकाे लागि एनआरएन पाेर्चुगल , बिभिन्न जिल्लाका सम्पर्क समाजहरु , राजनीतिकदलका भातृसंघसंस्थाहरु र सम्पूर्ण सक्रिय संस्थाहरुले आर्थिक सहायता गर्नुपर्ने देखिन्छ । अन्यथा ठगिमा परेका पिडितहरु थप समस्यामा पर्ने देखिन्छ , अहिले न त उनिहरु संग काम छ न त बस्ने ठाउँ । त्यसैले पहिलाे कदम भनेकाे पिडितहरुकाे उद्दार नै हुनुपर्ने देखिन्छ ।
संगसंगै यस ठगि प्रकरणमा संगलग्न ट्राभल एजेन्सि र उक्त एजेन्सिका मालिक लाई कानुनी दायरामा ल्याउने कडा भन्दा कडा कार्वाही गर्ने र पिडितहरुलाई क्षतिपूर्ति दिलाउने प्रक्रियालाई द्रुतगतिमा अगाडि बढाउनु पर्ने देखिन्छ । तर पिडितहरु आफुहरु प्रति संघसंस्थाहरुले सहानुभूति देखाए पनि सहयाेग गर्ने ठाेस कदम नचालेकाेमा संघसंस्थाहरु प्रति असन्तुष्ट देखिन्छन ।
यस घटनामा ठगिएका मानिसहरुलाई सहानुभूति संगसंगै तत्कालीन सहयाेग काे खाचाे छ, याे कुनै एक व्यक्ति ले गर्न सक्दैन यसका लागि यहाँ स्थित सम्पूर्ण सक्रिय संघसंस्थाहरु ले उदारतापुर्व साेच्नुपर्ने र उपयुक्त समयमा उपयुुक्त कदम चाल्नु पर्ने हुन्छ । र ठगि प्रकरणमा संलग्न व्यक्तिलाई कडा भन्दा कडा कार्वाही गर्नुपर्ने हुन्छ यसकाे लागि पनि सम्पूर्ण संघसंस्थाहरु एकजुट हुनुपर्ने देखिन्छ । आम नेपालीहरुकाे नजरमा विश्वास गुमाउँदै गइरहेका एनआरएन लगायत संघ संस्था हरुले यस घटनामा उपयुक्त निर्णय गर्न सकेमा नेपालीहरुकाे विश्वास पनि क्रमशः जित्दै जाने अबस्थामा रहन्छ । अन्यथा संघसंस्थामा आबद्ध पदाधिकारीहरु नै अबिस्वासकाे पात्र बन्न सक्ने देखिन्छ ।
यस्ताे अवस्था सृजना हुदा गलत प्रवृत्ति भएका मानिसहरु थप बलिया हुँदै जाने र नेपालीहरु दिनप्रतिदिन नेपालीहरु बाटै ठगिने दिन आउन धेरै समय लाग्दैन ।
यस्ताे विषम परिस्थितिमा एकले अर्काेलाई आराेपप्रत्याराेबाट गर्नु भन्दा सबै निकायहरुले मिलेर दाेषिलाई कार्वाही र पिडितलाई राहत दिलाउने तर्फ लाग्नु नै उपयुक्त देखिन्छ । हामिहरु एकआपसमा भिड्दा दाेषिले उन्मुक्ति पाउने अवसर पायाे भने यसकाे दाेषि हामी सबै हुनेछाै र यसकाे ठुलाे मूल्य नेपाली समुदाय ले चुकाउनु पर्ने हुनसक्छ । वर्तमान अवस्थामा यस घटनाका दाेषिलाइ आवश्यक कार्वाही संगसंगै यी र यस्ता ठगि प्रवृत्तिहरु जरैदेखि उखेलेर फाल्नुलाई मुख्य चुनाैतिकाे रुपमा लिइ कडा कदम चाल्नु नै आवश्यक देखिन्छ ।
हाे हाम्रा बिचमा धेरै विमतिहरु हाेलान , ती विमतिहरुलाइ याे विषम परिस्थितिमा अगाडि सार्दा दाेषिले कार्वाहीबाट उन्मुक्ति पाउने र पिडितहरुले न्याय नपाउने अबस्था सृजना हुनसक्दछ । त्यसैले यस बिषयमा सबै जना गम्भीर भई अगाडि बढ्नु नै उपयुक्त हुन्छ । साँढेकाे जुधाइ बाख्राकाे मिचाइ नहाेस ।
सबैकाे पाेर्चुगल बसाइँ सुखद हाेस । देश जय नेपाल
याे पनि हेर्नुहाेस् : लिस्वाेनकाे लक्ष्मि ट्राभल ले नक्कली हवाई टिकट बेचेकाे खुलासा