Advertisement
२६ चैत, धादिङ । खनियावास गाउँपालिका-३ दामन-पाख्रीन सडकबाट अवैध रुपमा ल्याउँदै गरेका विभिन्न जडिबुटी सहित २ जनालाई मंगलबार बिहान प्रहरीले पक्राउ गरेको छ ।
पक्राउ पर्नेहरूमा खनियावास गाउँपालिका-२ बस्ने ३५ वर्षीय रामकुमार तामाङ र सोही गाउँपालिका-३ बस्ने ४७ वर्षीय उद्धब सिं तामाङ रहेका छन् ।
डुण्डुरेबाट धादिङबेसीतर्फ आउँदै गरेको बा.५ ख ६३४५ नम्बरको गाडीलाई जिल्ला प्रहरी कार्यालय धादिङ तथा मातहत समेतबाट खटिएको प्रहरीले जाँच गर्ने क्रममा अबैध रुपमा ल्याउँदै गरेका ३ सय ५९ किलोग्राम मजिठो, १ हजार १४ किलोग्राम पाखनबेद, १७ किलोग्राम चिराईतो र ८ किलोग्राम कालीकाठ दाना (कालीदाना) जडिबुटी फेला पारी चालक रामकुमार र उद्धबलाई पक्राउ गरेको हो ।
उनीलाई आवश्यक कारवाहीको लागि डिभिजन वन कार्यालय धादिङमा पठाइएको जिल्ला प्रहरी कार्यालय धादिङले जनाएको छ ।
मल्टिमिडिया ग्यालरी
Comments
