Nepal's No. 1 Digital News Portal, Business, Corporate, Tourism, Politics, Sports, Entertainment, digitalkhabar.com ...express media network

पत्रकार नवीन लामिछाने नेपाल पत्रकार महासंघ मनाङको अध्यक्षमा निर्बिरोध

0 136

२३ चैत्र, काठमाडौं । विगत १० वर्ष देखि पत्रकारिता पेशामा आबद्ध नवीन लामिछाने नेपाल पत्रकार महासंघ मनाङ शाखाको अध्यक्ष चयन हुनुभएको छ । नेपाल पत्रकार महासंघको केन्द्र, प्रदेश र शाखा कार्यसमिति गरी तिन तहको निर्वाचन अन्तर्गत हिमालपारीको मनाङ जिल्लाको अध्यक्षमा लामिछाने निर्बिरोधरुपमा चयन हुनु भएको हो ।

नेपाल टेलिभिजनका मनागं जिल्लाका सम्वाददाता लामिछाने नेपाल प्रेस युनियन मनाङका अध्यक्ष पनि हुनुहुन्छ । मनाङ जिल्लाको सबै गाउँ र ठाउँ-ठाउँमा पुगेर स्थलगत रिपोटिङ गर्ने लामिछानेले गिरिजाप्रसाद फाउण्डेसन अमेरीका र नेपाल टेलिभिजन गण्डकी प्रदेशका उत्कृष्ट रिपोर्टरको सम्मान पाउनुभएको छ ।

विश्वकै सर्बाधिक अग्लो स्थानमा रहेको तिलिचो तालमा ३४ पटकसम्म पुगेर स्थलगत रिपोटिङ गरि रेकर्ड राख्नुभएका लामिछाने साहसी पत्रकारको रुपमा नेपालभर परिचित हुनुहुन्छ ।

लामिछानेले विश्व को १० नम्बर मा पर्ने अन्नपूर्ण पदमार्ग ५ हजार ४ सय १६ मिटरको थोरङ्ला भन्ञ्याङ १६ पटकसम्म पास गरेर १८ दिन सम्मको पैदल यात्रा पनि गर्नुभएको छ ।

लामिछानेको नेतृत्वमा चयन भएको नयाँ कार्य समितिमा उपाध्यक्ष सन्तोष श्रेष्ठ, महिला उपाध्यक्ष सबिना सिंह महर्जन , सचिव रिया गुरुङ, समावेशी सचिव पुर्ण गुरुङ , कोषाध्यक्ष मालती घले र सहसचिव तिल वहादुर गुरुङ चयन हुनुभएको छ । त्यसैगरि समितिका सदस्यहरुमा सुरेश थापा , शोल वहादुर गुरुङ , फुर्व छिरीङ र सुक बहादुर बि.क. रहनुभएको छ । त्यसैगरि केन्द्रिय पार्दषमा मिनकाशी गुरुङ र पशुपति अधिकारी र प्रदेश पार्दषमा बुद्धि गुरुङ सर्वसम्मतरुपमा चयन हुनुभएको छ ।


- Advertisement -


मल्टिमिडिया ग्यालरी

Comments

comments

Subscribe to our newsletter
Sign up here to get the latest news, updates and special offers delivered directly to your inbox.
You can unsubscribe at any time
Leave A Reply

Your email address will not be published.