Nepal's No. 1 Digital News Portal, Business, Corporate, Tourism, Politics, Sports, Entertainment, digitalkhabar.com ...express media network

दिनेशले अञ्जलीलाई धोका दिँदै भने ‘हत्ते नहाल’

0 131

१९ चैत्त, काठमाडौं । लोकप्रिय गायक तथा मोडल दिनेश थापा, लोकप्रिय गायिका भावना आचार्य र कामना वलीको सहकार्यमा नयाँ गीत सार्वजनिक भएको छ ‘हत्ते नहाल’ । दिपक शर्माको शब्द तथा संगीतमा तयार भएको यस गीत पूर्वेली लोकभाकालाई फ्यूजन गर्दै तयार पारिएको लोक दोहोरी गीत हो ।

लोकदोहोरीको क्षेत्रमा ख्याति कमाएका गायक थापासँगै गायिकाद्वय आचार्य र वलीको सहकार्यमा यो गीतलाई सार्वजनिक गरिएको हो । गीतको संगीत संयोजन पुरुषोत्तम सुवेदीले गरेका छन् । यस गीतको मिक्सिङ किशोर थापाले गरेका हुन् ।
गीतको म्यूजिक भिडियोमा गायक दिनेश थापासँग अञ्जली अधिकारीको फिचर्ड गरिएको छ । अनिल के. मानन्धरको छायाँकन रहेको यस म्यूजिक भिडियोलाई देवेन्द्र पाण्डेले निर्देशन गरेका छन् ।

दिनशन शाहको भिडियो सम्पादन रहेको यस भिडियोलाई गायक दिनेश थापाको यूट्यूब च्यानलमार्फत सार्वजनिक गरिएको हो । यस भिडियोमा गोदाबरी रिसोर्ट वरिपरिको दृश्यलाई कैद गरिएको छ ।

गायिका भावना आचार्यको चर्चित गीतहरु बग्ने खोला बगी गो, माया बस्ला फेरि, जब माया नजिकै लगायतका गीतहरु बजारमा आइसकेका छन् । त्यस्तै गायक दिनेश थापाको स्वरमा बोली नफेर, पानी मिठो कलकल कुवाको लगायतका दर्जनौं गीत रहेका छन् भने उनको मोडलिङमा पनि दर्जनौं गीतहरु बजारमा उपलब्ध छन् । त्यस्तै कामना वलीका पनि धेरै गीत बजारमा आइसकेका छन् । यी तीनै जना प्रत्यक्ष लाइभ दोहोरीमा खप्पिस हुन् ।

हत्ते नहाल गीतका विषयमा गायक थापाले भने विवाहपछि कसैसँग परेको मायाप्रेमलाई प्रस्तुत गरिएको छ । गीतलाई मन परेमा लाइक कमेन्ट सब्सक्राइब गरिदिन थापाले अनुरोध गरेका छन् ।


- Advertisement -


मल्टिमिडिया ग्यालरी

Comments

comments

Subscribe to our newsletter
Sign up here to get the latest news, updates and special offers delivered directly to your inbox.
You can unsubscribe at any time
Leave A Reply

Your email address will not be published.