Nepal's No. 1 Digital News Portal, Business, Corporate, Tourism, Politics, Sports, Entertainment, digitalkhabar.com ...express media network

साओमीको नयाँ ल्यापटप नेपाली बजारमा, १०० वाट फास्ट चार्जर भएकाे

0 184

१९ चैत, काठमाडौं । चिनियाँ स्मार्टफोन निर्माता कम्पनी साओमीले मि नोटबुक प्रो १५ र मि नोटबुक प्रो १४ ल्यापटप सार्वजनिक गरेको छ । कम्पनीले ११ औं पुस्ताको इन्टेल टिगर लेक सीपीयू र एनभिदिया जिफोर्स ग्राफिक्स सहितका यी दुई ल्यापटप घरेलु बजार चीनमा सार्वजनिक गरेको हो ।

यी दुई ल्यापटपको विशेष भिन्नता डिस्प्ले नै हो । मि नोटबुक प्रो १५ मा ओएलईडी डिस्प्ले दिइएको छ भने मि नोटबुक प्रो १४ मा हाई रिफ्रेश रेट एलसीडी डिस्प्ले राखिएको छ । यी दुवै कयौं कन्फिग्रेसनका साथ बजारमा ल्याइएको छ ।

मूल्य

मि नोटबुक प्रो १५ को मल्य ६४९९ चिनियाँ युआन (करिब १ लाख १६ हजार रुपैयाँ) बाट सुरु हुन्छ । जसमा कोर आई ५ सीपीयू, १६ जीबी र्‍याम र ५१२ जीबी स्टोरेज र इन्टेल आइरिस एक्स ई ग्राफिक्स राखिएको छ ।

साथै यही कन्फिग्रेसनयुक्त एनभिदिया जिफोर्स एमएक्स ४५० जीपीयूका साथ यो ल्यापटपका लागि ६९९९ युआन (करिब एक लाख २५ हजार रुपैयाँ) पर्न जान्छ । सँगसँगै कोर आई सेभेन भेरियन्टको मूल्य ७९९९ युआन (करिब एक लाख ४३ हजार रुपैयाँ) राखिएको छ ।

त्यसैगरी मि नोटबुक प्रो १४ को मूल्यको कुरा गर्ने हो भने यसको बेस भेरियन्टको मूल्य ५२९९ युआन (करिब ९४ हजार ५०० रुपैयाँ) रहेको छ । त्यस्तै यसको दोस्रो भेरियन्टको मूल्य ५९९९ युआन (करिब एक लाख ७ हजार रुपैयाँ) छ ।

यसको टप इन्ड भेरियन्टको मूल्य भने ६९९९ युआन (करिब एक लाख २५ हजार रुपैयाँ) छ । सिल्भर कलरमा उपलब्ध यी दुवै ल्यापटपको प्रि बुकिङ चिनियाँ बजारमा सुरु भइसकेको छ ।

तर नेपाली बजारमा यी ल्यापटप कहिले आउँछन् भन्ने विषयमा अहिलेसम्म कुनै जानकारी प्राप्त भएको छैन ।

फिचर

मि नोटबुक प्रो १५ मा १५.६ इन्चको ओएलईडी डिस्प्ले दिइएको छ । यसको आस्पेक्ट रेसियो १६ः१० रहेको छ भने पिक्सेल रेजोलुसन ३४५६x२१६० छ ।

यसमा २६१ पीपीआई पिक्सेल डेन्सिटी, ४०० निट्स ब्राइटनेस र ९३ प्रतिशत स्क्रिन टु बडी रेशियो दिइएको छ । यसको रिफ्रेश रेट ६० हर्ज रहेको छ ।

१०० प्रतिशत डीसीआई-पी थ्री ग्यामुट फिचर दिइएको यो ल्यापटप टीयूभी रेइनल्याण्ड सर्टिफाइड हो । त्यस्तै मि नोटबुक प्रो १४ मा १४ इन्चको टुके (2K) डिस्प्ले दिइएको छ । जसको पिक्सेल रेजोलुसन २५६०x१६०० रहेको छ ।

१२० हर्ज रिफ्रेश रेट रहेको यो ल्यापटपको स्क्रिन टु बडी रेसियो ८८ प्रतिशत छ भने आस्पेक्ट रेसियो १६ः१० छ । एसआरजीबी १०० प्रतिशत कलर ग्यामुट रहेको यो ल्यापटप पनि रेइन्ल्याण्ड ब्लू सर्टिफाइड हो ।

दुवै ल्यापटपमा इन्टेलको ११ जेन कोर आई सेभेन-११३७० एच सीपीयू दिइएको छ । साथै एनभिदिया जिफोर्स एमएक्स ४५० जीपीयू रहेका यी ल्यापटपमा १६ जीबी डीडीआर ४ र्‍याम राखिएको छ ।

लक स्पिड ३२०० मेगाहर्ज रहेका यी ल्यापटपमा ५१२ जीबी पीसीआई ई एसएसडी स्टोरेज दिइएको छ । कनेक्टिभिटीको कुरा गर्ने हो भने यी ल्यापटपमा वाईफाई सिक्स, ब्लुटुथ भी ५.१, दुई वटा यूएसबी टाइप सी पोर्ट, ४ वटा थन्डरबोल्ट पोर्ट र ३.५ एमएम हेडफोन ज्याक जस्ता फिचर रहेका छन् ।

यस बाहेक ल्यापटपमा दुई वटा दुई वाटका स्पिकर र डीटीएस अडियो प्रोसेसिङ उपलब्ध छ । ल्यापटपको ब्याट्रीको कुरा गर्ने हो भने मि नोटबुक प्रो १५ मा ६६ डब्लूएचआर ब्याट्री राखिएको छ । जुन फास्ट चार्जिङ सपोर्टसहित आउँदछ ।

यसलाई केवल ३५ मिनेटमा ५० प्रतिशत चार्ज गर्न सकिन्छ । त्यसैगरी मि नोटबुक प्रो १४ मा ५६ एचआर ब्याट्री दिइएको छ । जुन ५० प्रतिशत चार्ज हुन केवल ३७ मिनेट लाग्ने बताइएको छ ।


- Advertisement -


मल्टिमिडिया ग्यालरी

Comments

comments

Subscribe to our newsletter
Sign up here to get the latest news, updates and special offers delivered directly to your inbox.
You can unsubscribe at any time
Leave A Reply

Your email address will not be published.