मेरो सेयर आज बेलुका ८ बजेपछि नचल्ने, सोमबार बिक्री भएका सेयरको इडीआइएस गर्ने समय थप
१७ चैत, काठमाडौं । सीडीएस एन्ड क्लियरिङको मेरो सेयरको सेवा मंगलबार (चैत १७ गते) राती ८ बजेदेखि केही समय अवरुद्ध हुने भएको छ । सीडीएस एन्ड क्लियरिङका अनुसार मेरो सेयरमा सेवाग्राहीको चाप बढेर प्राविधिक समस्या देखिएपछि समाधानका लागि तत्काल सर्भर थप गरी डाटा माइग्रेसन गर्न लागिएको छ ।
डाटा माइग्रेसनमा समय लाग्ने भएकाले केही समय मेरो सेयर सेवा अवरुद्ध हुने सीडीएसले जानकारी गराएको छ । साथै, सोमबार (चैत १६ गते) बिक्री गरिएका सेयरको इडीआइएस गर्ने समय पनि थप गरिएको छ । उक्त दिन बिक्री गरिएका सेयरको इडीआइएस बुधबार (चैत १८ गते) बिहान १० बजेसम्म गर्न सकिने सीडीएसले जानकारी गराएको छ ।