कोरोना संक्रमण रोकथामका लागि लकडाउन हुँदैन : अर्थमन्त्री विष्णुप्रसाद पौडेल

0 421

१२ चैत, काठमाडौं । कोभिड-१९ को संक्रमण रोकथामका लागि लकडाउन नगरिने अर्थमन्त्री विष्णुप्रसाद पौडेलले भन्नुभएकाे छ । कोभिड-१९ को दोस्रो लहरबाट जोगिँदै आर्थिक सामाजिक क्रियाकलापलाई नियमित गर्नुपर्ने भएकाले स्वास्थ्य मापदण्डलाई कडाइका साथ पालना गराउने तर लकडाउन र सीमानाका बन्द नगरिने उनले बताएका हुन् ।

बिहीबार न्यूज एजेन्सी नेपालसँग कुराकानी गर्दै अर्थमन्त्री पौडेलले कोभिड रोकथामका लागि सीमानाका बन्द र लकडाउन गर्ने सरकारको सोच नभएको बताए ।

‘कोभिडको दोस्रो लहरको चर्चा चलिरहेकाले हामी जोगिनु पर्छ । हामीले स्वास्थ्य मापदण्ड अपनाएर आर्थिक र सामाजिक क्रियाकलापलाई जारी नै राख्छाैं । सरकारले अहिले सीमानाका बन्द गर्ने, लकडाउन गर्नेतर्फ सोचेको छैन,’ उनले भने ।

अर्थमन्त्री पौडेलले सरकार बजेटको तयारीमा जुटिसकेको पनि बताए । सिद्धान्त र प्राथमिकताको तयारी अन्तिम चरणमा पुगेको र बजेटको तयारी पनि सुरु भइसकेको बताए ।

कोभिड पछिको आर्थिक पुनर्उत्थान, रोजगारी सिर्जनालगायतका विषयमा केन्द्रित भएर बजेट निर्माण गरिने पनि अर्थमन्त्री पौडेलले बताए ।

‘मुख्यगरी हामी कोभिड पछिको आर्थिक पुनर्उत्थान, रोजगारी सिर्जना जस्ता विषयमा बढी केन्द्रीत हुन्छौं ।

नेपाली अर्थतन्त्रलाई पुरानो लयमा फर्काउन र गतिशील बनाउन गर्नुपर्ने निर्णय लिने गरी बजेट लिएर आउँछौं, ’ उनले भने ।

अर्थमन्त्री पौडेलले कोरोना भ्याक्सिन खरिदका लागि बजेटको अभाव हुन नदिने पनि स्पष्ट पारे ।



मल्टिमिडिया ग्यालरी


© Nepali horoscope

Comments

comments

Subscribe to our newsletter
Sign up here to get the latest news, updates and special offers delivered directly to your inbox.
You can unsubscribe at any time
Leave A Reply

Your email address will not be published.