Nepal's No. 1 Digital News Portal, Business, Corporate, Tourism, Politics, Sports, Entertainment, digitalkhabar.com ...express media network

बार्सिलोनाको आधादर्जन गोल

0 110

०९ चैत, एजेन्सी । क्याटलान क्लब बार्सिलोनाले स्पेनिस ला ला लिगामा रियल सोसिडाडमाथि सानदार जित हात पारेको छ ।
बार्सिलोनाले रियस सोसिडाडमाथि उसकै मैदानमा ६–१ को सानदार जित निकालेको हो ।

बार्सिलोनाको जितमा कप्तान लियोनेल मेस्सी र सर्जिनो डेस्टले समान दुई गोल गर्दा एन्टोइन ग्रिजमन र औसमाने डेम्बेलेले समान एक गोल गरे । सोसिडाडका एन्डर बारेनेटसेयाले एक गोल फर्काए ।

खेलको ३७औं मिनेटमा एन्टोइन ग्रिजमनको गोलबाट बार्सिलोनाले अग्रता लिएको थियो । ४३औं मिनेटमा सर्जिनो डेस्टले गोल गरेपछि बार्सिलोनाले पहिलो हाफमा २–० को अग्रता लिएको थियो । ५३औं मिनेटमा सर्जिनो डेस्टले व्यक्तिगत दोस्रो तथा टोलीका लागि तेस्रो गोल गर्दै बार्सिलोनालाई ३–० ले अघि बढाए ।

५६औं मिनेटमा कप्तान लियोनेल मेस्सीले थोल गरेपछि बार्सिलोना फराकिलो जिततर्फ अग्रसर बन्यो । ७१औं मिनेटमा डेम्वेलेले गोल गर्दै बार्सिलोनालाई ५–० ले अघि बढाए । ७७औं मिनेटमा एन्डरले गोल गर्दै खेललाई ५–१ को अवस्थामा ल्याए । ८९औं मिनेटमा कप्तान लियोनेल मेस्सीले व्यक्तिगत दोस्रो तथा टोलीका लागि छैटौ गोल गर्दै बार्सिलोनालाई ६–१ को सानदार जित दिलाए ।

जितपछि बार्सिलोनाले रियल म्याड्रिडलाई पछि पार्दै दोस्रो स्थानमा उक्लन सफल भएको छ । बार्सिलोनाको २८ खेलबाट ६२ अंक पुगेको छ । शीर्षस्थानको एट्लेटिको म्याड्रिडको ६६ छ । पराजित रियल सोसिडाड ४५ अंक जोडेर पाँचौ स्थानमा छ ।


- Advertisement -


मल्टिमिडिया ग्यालरी

Comments

comments

Subscribe to our newsletter
Sign up here to get the latest news, updates and special offers delivered directly to your inbox.
You can unsubscribe at any time
Leave A Reply

Your email address will not be published.