०७ चैत, काठमाडौं । पछिल्लो २४ घण्टामा कोभिड–१९ का ७९ संक्रमित थपिएका छन् । योसँगै नेपालमा कोरोना संक्रमितको संख्या दुई लाख ७५ हजार ८२९ पुगेको छ ।
त्यस्तै, पछिल्लो २४ घण्टामा ८२ जना संक्रमणमुक्त भएका छन् । योसँगै देशमा कोरोनामुक्त हुनेको संख्या दुई लाख ७१ हजार ८१५ पुगेको छ ।
नेपालमा कोरोनाका कारण पछिल्लो २४ घण्टामा कसैको पनि मृत्यु पुष्टि भएको छैन । कोभिड–१९ का कारण देशमा हालसम्म तीन हजार १६ जनाले ज्यान गुमाइसकेका छन् ।
हाल देशभर ९९८ जना आइसोलेसनमा र ५१ जना क्वारेन्टिनमा रहेका स्वास्थ्य तथा जनसंख्या मन्त्रालयले शनिबार जनाएको छ ।
Comments
