०६ चैत, काठमाडौं । ‘कमेडी च्याम्पियन सिजन–२’को पहिलो भाग देखाइएको हो । रियालिटी शो ‘कमेडी च्याम्पियन सिजन–२’को ग्राण्ड प्रिमियर अन्तरगत बिहीबार काठमाडौंको छाया सेन्टरमा सिजन २ को पहिलो भाग देखाइएको हो ।
‘कमेडी च्याम्पियन सिजन–२’ को प्रशारण २१ फागुनबाट नै सुरु भइसके पनि फिजिकल अडिसनबाट उत्कृष्ट २४ छानेपछि मात्रै ग्राण्ड प्रिमियर गरेको हो ।
निर्णायक मनोज गजुरेल र हाँस्य कलाकार सुवोध गौतमको प्रस्तुतिबाट सुरु गरिएको पहिलो भागमा टप २४ मा परेका चार प्रतियोगीको प्रस्तुती देख्न सकिन्छ ।
सुरुवातमा सिक्किमका विक्की अग्रवालले प्रस्तुति दिएको पहिलो भागमा कैलाश कार्की, सन्तोष थापा र सुन्दर खनालले पनि प्रस्तुति दिएका छन् ।
६ हजार भन्दा बढि डिजिटल अडिसन प्राप्त भएकोमा १२० जनालाई फिजिकल अडिसनका लागि बोलाइएको थियो ।
सन्तोष पन्त, मनोज गजुरेल, प्रदीप भट्टराई र ऋचा शर्मा निर्णायक छन् । विशाल भण्डारीले निर्देशन गरेको शोको कार्यकारी निर्माता केकी अधिकारी, रीमा विश्वकर्मा, विशाल भण्डारी र राज घिमिरे हुन् ।
कमेडी च्याम्पियन हरेक शुक्रबार र शनिबार कान्तिपुर टेलिभिजन र ‘ओएसआर रियालिटी’ युट्युब च्यानलबाट प्रशारण हुँदै आएको छ ।
विजेताले कार र २५ लाख रुपैयाँ नगद पुरस्कार प्राप्त गर्ने निर्देशक भण्डारीले बताए । पहिलो सिजनको विजेता हिमेश पन्त बनेका थिए ।
Comments
