Nepal's No. 1 Digital News Portal, Business, Corporate, Tourism, Politics, Sports, Entertainment, digitalkhabar.com ...express media network

तान्जानियाका राष्ट्रपति जोन मगुफुलीको निधन

0 1,012

०५ चैत्र, एजेन्सी । पूर्वी अफ्रिकी देश तान्जानियाका राष्ट्रपति जोन मगुफुलीको ६१ वर्षको उमेरमा निधन भएको छ।​ मगुफुलीको उपचारको क्रममा बुधवार अस्पतालमा मृत्यु भएको हो ।

पूर्वी अफ्रिकी मुलुक तान्जानियाका राष्ट्रपति मागाफुलीले उनको देशले कोरोनाभाइरसमाथि विजय प्राप्त गरेको दाबी गरेका थिए । उनले खोपको खरिद आदेश दिन पनि अस्वीकार गर्दै आएका थिए।

६१ वर्षीय राष्ट्रपति मागाफुलीले भाइरसलाई हराउन बरू प्रार्थना गर्न अनि जडिबुटीसहित बाफ लिन आह्वान गर्दै आएका थिए।

Subscribe to our newsletter

मृत्यु भएका एकजना वरिष्ठ सहयोगीको अन्तिम संस्कारमा केही साता अगाडि बोल्दै राष्ट्रपति मागाफुलीले तान्जानियाले कोभिडलाई गत वर्ष पनि पराजित गरेको र यो वर्ष पनि पराजित गर्ने बताएका थिए।

तान्जानियाका उपराष्ट्रपतिले राष्ट्रपतिको मृत्यु भएको घोषणा गरेका छन्। पछिल्लो दुई सातादेखि राष्ट्रपति सार्वजनिक कार्यक्रममा नदेखिएपछि उनको स्वास्थ्यमा समस्या रहेको थियो।

राष्ट्रपति मगुफुली अफ्रिकी देशहरुमा कोरोना बारेमा आशंका गर्ने नेताहरु मध्ये अगाडी रहेका थिए। उनले देशमा गत मे देखि नै कोरोना सम्बन्धि जानकारी दिन बन्द गरेका थिए भने कोरोनाको खोप पनि किन्नु नपर्ने घोषणा गरेका थिए। त्यस्तै गत जुनमा नै तान्जानियालाई कोरोना फ्री देश घोषणा गरिएको थियो।​

तान्जानियाको सामाजिक संजाल र मिडियामा राष्ट्रपतिलाई पनि कोरोना भएको र कोरोनाबाटै उनको निधन भएको आशंका गरिएको छ तर सरकारले भने यस बारेमा स्पष्ट जानकारी दिएको छैन।

राष्ट्रपतिको निधनपछि तान्जानियामा १४ दिनको राष्ट्रिय शोकको घोषणा गरिएको छ। अब तान्जानियाको संविधान अनुसार उपराष्ट्रपतिले राष्ट्रपतिको शपथ लिएर उनको बाँकी कार्यकालका चलाउने छन्।



मल्टिमिडिया ग्यालरी

Comments

comments

Subscribe to our newsletter
Sign up here to get the latest news, updates and special offers delivered directly to your inbox.
You can unsubscribe at any time
Leave A Reply

Your email address will not be published.