Nepal's No. 1 Digital News Portal, Business, Corporate, Tourism, Politics, Sports, Entertainment, digitalkhabar.com ...express media network

लेस्टरको ५ गोल! युनाइेट पनि विजयी

0 380

०२ चैत, एजेन्सी । केलिची इहेनाचोको ह्याट्रिक मद्दतमा लेस्टर सिटीले इंग्लिस प्रिमियर लिगमा सेफिल्ड युनाइटेडमाथि ५–० को सानदार जित निकालेको छ ।

घरेलु मैदानमा लेस्टरको सानदार जितमा एयोजी पेरेजले एक गोल थप्दा एक गोल उपहार पाएको थियो । किङ पावर स्टेडियममा ३९औं मिनेटमा जेमी भार्डीको पासमा केलिची इहेनाचोको गोलबाट लेस्टरले पहिलो हाफमा १–० को अग्रता लिएको थियो । ६४औं मिनेटमा एयोजी पेरेजले मार्क अल्ब्राइटनको पासमा गोल गर्दै लेस्टरको अग्रता दोब्बर पारे ।

६९औं मिनेटमा जेमी भार्डीको पासमा केलिचीले व्यक्तिगत दोस्रो तथा टोलीका लागि तेस्रो गोल गर्दै लेस्टरलाई सहज जिततर्फ अघि बढाए । ७८आं मिनेटमा केलिचीले विल्फ्रेड एनडिडिको पासमा गोल गर्दै ह्याट्रिक पुरा गरेपछि लेस्टरले खेलमा ४–० को आरामदायी अग्रता दिलाए ।

Subscribe to our newsletter

८०औं मिनेटमा इथान अम्पाडुले आत्मघाती गोल गरेपछि लेस्टरले ५–० को फराकिलो जित निकाल्न सफल भयो । जितसँगै तेस्रो स्थानमा रहेको लेस्टको २९ खेलबाट ५६ अंक पुगेको छ । पराजित सेफिल्ड १४ अंक जोडेर पुछारमा रहेको छ ।

अर्काे खेलमा दोस्रो स्थानमा रहेको म्यानचेस्टर युनाइटेडले वेस्टह्याम युनाइटेडलाई १–० ले पराजित गरेको छ । युनाइटेडको जितमा क्रेइग डावासनको आत्मघाती गोल नै निर्णायक बन्यो ।

जितपछि युनाइटेडले शीर्षस्थानमा रहेको म्यानचेस्टर सिटीसँगको अंक दुरी छोट्याएको छ । युनाइटेडको २९ खेलबाट ५७ अंक पुगेको छ । एक खेल बढी खेलेको म्यानचेस्टर सिटीको ७१ अंक छ । युनाइटेड सिटीभन्दा १४ अंकले पछि छ । पराजित वेस्टह्याम ४८ अंक जोडेर पाँचौ स्थानमा रहेको छ ।



मल्टिमिडिया ग्यालरी

Comments

comments

Subscribe to our newsletter
Sign up here to get the latest news, updates and special offers delivered directly to your inbox.
You can unsubscribe at any time
Leave A Reply

Your email address will not be published.