०१ चैत्र, काठमाडौं । नेकपा (माओवादी केन्द्र) को केन्द्रीय कमिटी (समिति) बैठक सोमबार ११ बजे बस्ने निर्णयसहित आइतबारलाई विसर्जन गरिएको छ । आइतबारको बैठकमा सातै प्रदेशका इन्चार्ज र अध्यक्षहरूले पछिल्लो राजनीतिक गतिविधिबारे केन्द्रलाई रिर्पोटिङ गरेका छन् ।
इन्चार्ज र अध्यक्षहरूले ओली नेतृत्वको पार्टी छोडे पनि ओली प्रवृत्ति भने पार्टीमा बाँकी नै रहेको रिपोर्टिङ गरेका छन् । यसैगरी बैठकमा माओवादी केन्द्रको नाम फेर्नेदेखि एमालेमा रहने निर्णय गरेका नेताहरुलाई अनुशासनको कारबाही गर्नेसहितका एजेन्डा पनि पेस भए ।
बैठकमा प्रदेश १ बाट सावित्रीकुमार काफ्ले, प्रदेश २ बाट विश्वनाथ साह, बागमतीबाट नारायण दाहाल, गण्डकीबाट हितराज पाण्डे, लुम्बिनीबाट ओनसरी घर्ती मगर, कर्णालीबाट मायाप्रसाद शर्मा र सुदूरपश्चिमबाट नेपबहादुर चौधरीले धारणा राखेका छन् ।
Subscribe to our newsletter
Comments