०१ चैत्र, काठमाडौं । ग्लोबल आईएमई बैंक आज चैत्र १ गतेबाट ऋणपत्र बिक्रि खुला गरेको छ ।
बैंकले प्रति ऋणपत्र १ हजारको दरले ३ अर्बले हुन आउने ३ अर्ब बराबरको ऋणपत्र निष्काशन गरेको हो ।
जस मध्ये १८ लाख कित्ताले हुन आउने १ अर्ब ८० करोड बराबरको ऋणपत्र व्यक्तिगत तवरबाट र बाँकि १२ लाख कित्ताले हुन आउने १ अर्ब २० करोड बराबरको ऋणपत्र सर्बसाधारणको लागि निष्काशन गरिएको हो ।
सर्वसाधारणलाई छुट्याईएको १२ लाख कित्ता मध्ये ६० हजार कित्ता सामुहिक लगानी कोषहरुलाई छुट्याईएको छ ।
इच्छुक लगानीकर्ताले न्युनतम २५ कित्ता र अधिकतम १० लाख कित्तासम्मको लागे आवेदन दिन सक्ने छन् ।
१० वर्षे अवधिको यस ऋणपत्रमा लगानीकर्तालाई बैंकले वार्षिक ८.५ प्रतिशतको दरले ब्याज प्रदान गर्ने छ ।
लगानीकर्ताले छिटोमा चैत्र ४ गतेसम्म र सो अवधिसम्म पर्याप्त आवेदन नपरेको खण्डमा चैत्र १६ गतेसम्म आवेदन दिन सक्ने छन् । ऋणपत्र निष्काशनको लागि सेन्चुरी क्यापिटल बिक्रि प्रबन्ध वितरक रहेको छ ।
साथै यसमा आवेदन दिन चाहनेले सीआश्वा सदस्य रहेका बैंक तथा वित्तीय संस्था र मेरोशेयरबाट आवेदन दिन सकिने छ ।
Comments