Nepal's No. 1 Digital News Portal, Business, Corporate, Tourism, Politics, Sports, Entertainment, digitalkhabar.com ...express media network

राष्ट्रपति भण्डारी बंगलादेश जाँदै

0 71

२७ फागुन, काठमाडौं । राष्ट्रपति विद्यादेवी भण्डारी आगामी चैतको दोस्रो साता बंगलादेशको दुई–दिने भ्रमणमा जाने कार्यक्रम तय भएको छ।

बंगलादेश स्वतन्त्रताको स्वर्ण जयन्ती तथा बंगलादेशका संस्थापक शेख मुजिबवुर रहमानको शतवार्षिकी जन्मजयन्तीको अवसरमा आयोजित कार्यक्रममा सहभागी हुन निमन्त्रणा आएपछि राष्ट्रपति भण्डारीले दुई दिने बंगलादेशको भ्रमणमा निस्कन लाग्नुभएको हो ।

राष्ट्रपति भण्डारी बंगलादेशको भ्रमणका लागि चैत ९ गते प्रस्थान गर्ने तय गरिएको जनाइएको छ। भण्डारीको भ्रमणलगत्तै भारतीय प्रधानमन्त्री नरेन्द्र मोदीले चैत १३ मा बंगलादेशको भ्रमण गर्ने कार्यक्रम पनि तय भएको जनाइएको छ।

राष्ट्रपति भण्डारीले गत वर्ष नै बंगलादेश भ्रमण गर्ने तय भए पनि कोरोना महामारीका कारण रोकिएको थियो। यसअघि २०७६ कातिक २६ गते बंगलादेशी राष्ट्रपति अब्दुल हमिद चार दिने नेपाल भ्रमणमा आउनुभएको थियो ।

कोरोना महामारीका कारण रोकिए भ्रमणलाई आगामी चैत दोस्रो साताका लागि भ्रमणको तय गरिएको छ । बंगलादेश सरकारले रहमानको शतवार्षिकी जन्मजयन्ती र बंगलादेश स्वतन्त्रताको स्वर्ण जयन्ती चैत ४ देखि १३ सम्म मनाउने गरी १० दिने कार्यक्रम तयारी गरेको जनाइएको छ।


- Advertisement -


मल्टिमिडिया ग्यालरी

Comments

comments

Subscribe to our newsletter
Sign up here to get the latest news, updates and special offers delivered directly to your inbox.
You can unsubscribe at any time
Leave A Reply

Your email address will not be published.