कोरोना अपडेट आज थपिए १०४ कोरोनाका संक्रमित
२६ फागुन, काठमाडौं । पछिल्लो २४ घन्टामा नेपालमा कोरोना भाइरसका १०४ नयाँ संक्रमित थपिएका छन् । आज
पछिल्लो चौबीस घण्टामा तीन हजार ४८८ जनाको आरटीपीसीआर परीक्षण गरिएकोमा १०४ जनामा सङ्क्रमणको पुष्टि भएको हो ।
स्वास्थ्य तथा जनसंख्या मन्त्रालयका अनुसार नेपालमा कोरोनाका कुल सङ्क्रमितको संख्या दुई लाख ७४ हजार ९७४ पुगेको छ ।
पछिल्लो चौबीस घण्टामा ६३ जना सङ्क्रमित निको भएका छन् । हालसम्म दुई लाख ७१ हजार ५० जना सङ्क्रमित निको भएका हुन् ।
पछिल्लाे २४ घण्टामा कसैकाे पनि मृत्यु भएकाे छैन । हालसम्म कोरोना भाइरसको सङ्क्रमणबाट तीन हजार १२ जनाको मृत्यु भएको छ ।