Advertisement

आगामी आ.व.२०७८/७९ को बजेट मस्यौदा लेखन कार्य सुरु

0 342

Advertisement

२४ फाल्गुन, काठमाडौं । आगामी आर्थिक वर्ष २०७८÷७९ को बजेटको मस्यौदा लेखन कार्य सुरु गरिएको छ । अर्थ मन्त्रालयले सहसचिव डा. रामप्रसाद घिमिरेको संयोजकत्वमा आ.व.२०७८÷७९ को बजेटको मस्यौदा लेखन कार्य सुरु गर्न लागेको हो ।

यसका लागि राष्ट्रिय योजना आयोगले बजेटको सिलिङसमेत पठाइसकेको जनाइएको छ । आगामी वर्षको बजेटको मस्यौदा लेखन कार्यमा गत वर्ष बजेट लेखनमा संलग्न रहेको दुई सहसचिव छन् भने तीन नयाँ अनुहार थपिएको जनाइएको छ ।

आगामी आर्थिक वर्ष ०७८÷७९ मा १७ खर्ब हाराहारीको बजेट बन्ने जनाइएको छ । यो प्रक्षेपण चालु आवको बजेट १४ खर्ब ७४ अर्ब र त्यसमा हुने आर्थिक वृद्धिको अनुमानका आधारमा गरिएको हो ।

बजेटको मस्यौदामा अनावश्यक खर्च कटौती, रोजगारी सिर्जना गर्ने, दिगो र तीव्र विकास, विद्युत उत्पादनको बृद्धि, आगामी पाँच वर्षमा निजी क्षेत्रको लगानी उल्लेख्य वृद्धिका लागि लगानी प्रबर्द्धन गर्ने आयोजना तथा कार्यक्रमलाई बढावा दिने आयोगले जनाएको छ ।

कोरोनाको समयमा सुस्त गतिमा अघि बढेका गौरवका आयोजना, रुपान्तरणकारी आयोजना, प्रमुख कार्यक्रम तथा उच्च प्राथमिकतामा रहेको राष्ट्रिय महत्वका आयोजनालाई बजेट सीमा उपलब्ध गराउँदा नै सुनिश्चित गर्न आयोगले भनेको छ ।

चालु आवमा सरकारले ७ प्रतिशत हाराहारी आर्थिक वृद्धि हुने प्रक्षेपण बजेटमा गरेको थियो । तर, पहिलो त्रैमासिक तथ्यांकले यो लक्ष्य पूरा नहुने देखाएको छ । मध्यमकालीन खर्च संरचनाले अनुमान गरेको आगामी आ.व.को बजेटको आकार १६ खर्ब ९७ अर्ब ५७ करोड हो ।



मल्टिमिडिया ग्यालरी


© Nepali horoscope

Comments

comments

Subscribe to our newsletter
Sign up here to get the latest news, updates and special offers delivered directly to your inbox.
You can unsubscribe at any time
Leave A Reply

Your email address will not be published.