२३ फागुन, काठमाडौं । नेपालमा पछिल्लो २४ घन्टामा ६६ कोरोना संक्रमित थपिएका छन् । पछिल्लो २४ घण्टामा चार हजार १११ जनाको आरटीपीसीआर परीक्षण गरिएकोमा ६६ जनामा सङ्क्रमणको पुष्टि भएको हो ।
स्वास्थ्य तथा जनसंख्या मन्त्रालयका प्रवक्ता डा. जागेश्वर गाैतमका अनुसार थपिएका सङ्क्रमितसँगै नेपालमा कोरोनाका कुल सङ्क्रमितको संख्या दुई लाख ७४ हजार ७२१ पुगेको जनाउनुभयाे ।
पछिल्लो चौबीस घण्टामा ५८ जना सङ्क्रमित निको भएका छन् । हालसम्म दुई लाख ७० हजार ८८६ जना सङ्क्रमित निको भएका हुन् ।
मन्त्रालयका अनुसार हाल ८२५ जनामा भाइरसको सङ्क्रमण सक्रिय छ भने ५३ जना क्वारेन्टिनमा छन् ।
पछिल्ला केही दिनदेखि कसैको पनि मृत्यु भएको छैन । हालसम्म कोरोना भाइरसको सङ्क्रमणबाट तीन हजार १० जनाको मृत्यु भएको छ ।
Comments
