Nepal's No. 1 Digital News Portal, Business, Corporate, Tourism, Politics, Sports, Entertainment, digitalkhabar.com ...express media network

लोपोन्मुख तामे सालक घोडाघोडीको गाउँमा भेटियो

0 92

२२ फागुन, लम्की (कैलाली) । कैलालीमा लोपोन्मुख प्रजातिको रुपमा रहेको सालक फेला परेको छ । जिल्लाको घोडाघोडी नगरपालिका ५ डोडा गाउँमा शुक्रबार राती गाउँलेले सालक देखेका थिए । सामुदायिक वन नजिकै रहेको उक्त गाउँमा एक्कासी रातको समयमा कुकुर भुक्न थालेपछि गाउँले हरुले नयाँ जिव गाउँमा देखेपछि संरक्षणकर्मीलाई खबर गरेका थिए ।

शुक्रबार राति नै सब डिभिजन वन कार्यालय सुखडबाट खटिएको टोलीले उद्धार गरी कार्यालयमा राखेको सब डिभिजन बन कार्यालय सुखडका प्रमुख समीर थापाले बताउनुभयो । प्रायः दिनमा बाहिर ननिस्कने रातको समयमा निस्कने सालक रातको समयमा आहारा खोज्दै गाउँ पसेको हुनसक्ने बताइएको छ ।

१८ किलोग्रामको वयस्क उक्त सालक भारतीय तामेसाल रहेको जनाइएको छ ।
धमिरा र कीरा कमिला खाने सालकको छाला खपटा महँगो मूल्यमा किनबेच हुने भएकाले पनि सालकको चोरीसिकारी हुनसक्ने भएकाले सरोकारवालाले यसको उद्धार र संरक्षणमा चासो देखाउने गरिएको जनाइएको छ ।

सालक नेपालमा लोपोन्मुख वन्यजन्तु अन्तर्गत पर्ने र यसको चोरी सिकारी हुनसक्ने भएकाले पनि जानकारी प्राप्त हुनासाथ राति नै उद्धार गरिएको प्रमुख थापाले बताउनुभयो ।

उद्धार कार्यमा सबैभन्दा अगाडि पुग्नुभएका संरक्षणकर्मी हिरुलाल डंगौराले सालक भेटिएको खबर थाहा पाउने बित्तिकै राति १२ बजे नै बस्तीमा आफू पुगेको बताउनुभयो । शुरुमा गाउँका मानिसले कुखुरा बाख्रा खान्छ, मार्नुपर्छ भन्दै दिन नमानेपछि संरक्षणकर्मीले सालकले मानवलाई हानी नगर्ने महत्वपूर्ण जीव रहेको सम्झाएपछि राति नै उद्धार गरिएको थियो ।

संरक्षणकर्मी डंगौराले गाउँबाट उद्धार गरिएको सालक घोडाघोडी सिमसार क्षेत्रमा शनिबार साँझसम्म छोडिने बताउनुभयो । सालकको क्षेत्रमा काम गर्नेहरुले सालक कैलालीमा पाइँदैन भन्दैगर्दा विभिन्न समयमा सालक भेटिनुले सामुदायिक वन संरक्षणको उपलब्धि भएको घोडाघोडी पर्यटन बोर्डका उपाध्यक्ष दयाराम चौधरीले बताउनुभयो ।

सालक नेपाल, भारत, चीनलगायत दक्षिण एसियाली राष्ट्र तथा अफ्रिकाका उष्ण भूभागमा पाइन्छ । विश्वभर पाइने आठ प्रजातिका सालक मध्ये नेपालमा चिनियाँ र भारतीय प्रजातिका सालक पाइने गरेका छन् । संरक्षणकर्मी डंगौराले नेपालमा सेतो रंगको तामे सालकको तुलनामा कालो रंगको चिनियाँ सालक लोपोन्मुख सङ्कटग्रस्त अवस्थामा रहेको जनाउनुभयो ।

यसअघि सालक कैलारी गाउँपालिका ५ बंगालीपुर र भजनी नगरपालिकाको पशुपति सामुदायिक वनमा फेला परेको थियो । योसँगै कैलालीमा तीनवटा सालक फेला परेको छ । फेला परेका सालकलाई बासस्थानमा असर नपर्ने वनक्षेत्रमा छोड्ने गरिएको छ ।

तस्बिर क्याप्सन शुक्रबार राती कैलालीको घोडाघोडी नगरपालिका ५ डोडा गाउँबाट उद्धार गरी सब डिभिजन वन कार्यालय सुखडमा राखिएको तामे सालक, उक्त सालकलाई शनिवार घोडाघोडी सिमसार क्षेत्रमा छोडिएको छ ।


- Advertisement -


मल्टिमिडिया ग्यालरी

Comments

comments

Subscribe to our newsletter
Sign up here to get the latest news, updates and special offers delivered directly to your inbox.
You can unsubscribe at any time
Leave A Reply

Your email address will not be published.