Nepal's No. 1 Digital News Portal, Business, Corporate, Tourism, Politics, Sports, Entertainment, digitalkhabar.com ...express media network

३ करोडको फर्निचर उद्योग उद्घाटन नहुँदै खरानी, २ घण्टामा नियन्त्रणमा आयो आगेको आगो

0 297

२२ फाल्गुन, कैलाली । उद्घाटनको तयारीमा रहेको एक फर्निचर उद्योगमा आगलागी भएको छ । आलोक मल्टी कन्सर्न प्रा.लि. नामको उद्योगमा शनिबार दिउँसो १२ बजे अचानक आगलागी भएको हो ।

भोजराज भट्ट र पदम भण्डारीले सञ्चालनमा ल्याउन लागेको शो रुमसहितको उद्योगमा आगलागी भएको स्थानीय विमल बोहराले जानकारी दिनुभयो । उहाँका अनुसार उद्योगलाई फागुन महिनाभित्रै उद्घाटनको तयारी थालिएको थियो ।

३ करोड लगानी भइसकेको उद्योगमा उद्घाटनसम्ममा ५ करोड लगानी गर्ने तयारी थियो । उद्योग सञ्चालकले सुदूरपश्चिमका ९ जिल्लामा आफ्नो उत्पादन आपूर्ति गर्ने गृहकार्य थालेका थियो । झण्डै २२ जना कामदार रहेको उद्योगले उत्पादनसँगै आफैँले विक्रि गर्ने लक्ष्य लिएको थियो ।

Subscribe to our newsletter

उद्योग भएको स्थानमा वेल्डिङको काम भइरहेकाले त्यहाँबाट निस्केको आगोको झिल्कोले आगलागी भएको हुन सक्ने प्रारम्भिक अनुमान गरिएको छ । धनगढी उपमहानगरपालिका र गोदावरी नगरपालिकाको दमकलको सहायताले आगो नियन्त्रणमा लिइएको छ ।

आगलागीबाट तीन करोडभन्दा बढीको क्षति भएको उद्योगका सञ्चालकले बताएका छन् । सञ्चालकका अनुसार उद्योगमा बेल्डिङको काम भइरहेको र त्यहाँबाट निस्केको आगोको झिल्कोले आगलागी भएको हुन सक्ने प्रारम्भिक अनुमान छ । आगलागीबाट भएको क्षतिको विवरण र कारण खुल्न भने बाँकी रहेको जिल्ला प्रहरी कार्यालयले जनाएको छ ।



मल्टिमिडिया ग्यालरी

Comments

comments

Subscribe to our newsletter
Sign up here to get the latest news, updates and special offers delivered directly to your inbox.
You can unsubscribe at any time
Leave A Reply

Your email address will not be published.