हिरो आइ लिगमा किरण प्लेयर अफ द मन्थ घोषित
२२ फागुन, काठमाडौं । नेपालका नम्बर एक गोलरक्षक किरन चेम्जोङ हिरो आइमा फेब्रुअरी महिनाको प्लेयर अफ द मन्थ घोषित भएका छन् ।
साथै किरनकै टोली राउण्डग्लास पञ्जाब एफसीका मुख्य प्रशिक्षक कर्टिस फ्लेमिङ कोच अफ द मन्थ चुनिएका छन् ।
यस सिजन लिगको शिर्ष ६ मा परेर च्याम्पियनसिप स्टेजका लागि समेत छनौट भएको पञ्जाबको प्रदर्शनमा किरनको भूमिका र प्रशिक्षक फ्लेमिङको ट्याक्टिसलाई पनि प्रशंसनीय मानिएको छ ।
किरन प्लेयर अफ द मन्थ घोषित भएपछि उनलाई नेपाली फुटबल प्रेमी तथा दर्सकले उनलाई बधाई दिएका छन् ।