Nepal's No. 1 Digital News Portal, Business, Corporate, Tourism, Politics, Sports, Entertainment, digitalkhabar.com ...express media network

रोजगारीका लागि भिजिट भिसामा यूएई पुगेका ७ नेपाली अलपत्र , दूतावासको फोन उठ्दैन, सडकमा बास भयो – पीडित

0 114

२० फागुन, काठमाडौं । भिजिट भिसामा रोजगारीका लागि यूएई पुगेका कपिलवस्तुका सात जना अलत्रप परेका छन् । एक महिनाअघि उनीहरू यूएई पुगेका थिए ।

कपिलवस्तुका कमल भण्डारी, गंगाराम भण्डारी, अशोक भण्डारी, विनोदबहादुर दर्जी, कमल न्यौपाने, विष्णु बेलबासे र प्रदीप शर्मा भिजिट भिसामा यूएई पुगेका थिए । उनीहरूलाई गणेश मगरले यूएई पुर्‍याएका थिए ।

एजेन्ट गणेश मगरलाई प्रतिव्यक्ति तीन लाखका दरले पैसा बुझाएर भिजिट भिसामा यूएई गाएको उनीहरूले जानकारी दिएका छन् । मगरले सुरक्षा गार्ड, होटल र क्रुजको रोजगारीमा लगाइदिने भनेर ल्याएको पीडितहरुले यूएईबाट शिलापत्रलाई जानकारी दिए ।

नेपालबाट भिजिट भिसामा यूएई आए पनि रोजगारी नपाएपछि अलपत्र परेको उनीहरुको भनाइ छ ।

नेपालबाट एजेन्ट मगरले राम्रो कम्पनीमा रोजगारी लगाइदिने भनेर यूएई ल्याएर अलपत्र परेको पीडित प्रदीप शर्माले बताए ।

नेपाल फर्किन साथमा पैसा नभएकाे र यूएईमा रोजगारी नपाएकाले आफूहरु अलपत्र परेको शर्माले बताए ।

‘हामी सातै जना एक महिनादेखि यूएईको शारदा शहरको पेटीमा बसेको छौँ । एजेन्ट मगर सम्पर्कबाहिर छन् । यूएईस्थित नेपाली दूतावासमा सम्पर्क गर्दा दूतावासको फोन उठाउँदैनन्,’ उनले भने, ‘एक छाक खाना मागेर खाँदैछौँ । रोजगारीका लागि यूएई आएका नेपालीले खानाका लागि सहयोग गरिरहेका छन् । स्वदेश फर्कनका लागि दूतावाससँग गुहार मागिररहेको छौँ ।’

भिजिट भिसामा आएका धेरै नेपाली यूएईमा अलपत्र भएर बसेको उनको भनाइ छ । एजेन्टले रोजगारीको प्रलोभन देखाएर भिजिट भिसामा ल्याएर यूएईमा अलपत्र परेर भाग्ने गरेको शर्माले जानकारी दिए ।

यूएईमा २ हजारभन्दा बढी भिजिट भिसामा आएका नेपाली अलपत्र अवस्थामा रहेको देखेको गंगाराम भण्डारी बताउँछन् । पुरुष मात्र नभइ भिजिट भिसामा आएका महिला पनि यूएईमा अलपत्र परेर घुमिरहेको भण्डारीले बताए । ‘यूएईमा रहेको नेपाली दूतावासले भिजिट भिसामा आएर अलपत्र परेका नेपालीको समस्या सुन्दैन ।

अलपत्र भएको विषयमा दूतावास जानकार भए पनि बेवास्ता गर्दै आएको छ,’ उनले भने, ‘रोजगारीमा आएर अलपत्र परेका नेपाली रुँदै जाँदा पनि दूतावास मौन छ । कतिपटक फोन गर्‍यौँ हामीले, दूतावासको फोन उठ्दैन ।’

नेपालीदे दु:ख पाउँदा दूतावासले रमिता हरेर बसेको उनको आरोप छ । पछिल्लो समय एजेन्टले भिजिट भिसामा यूएईमा रोजगारीको प्रलोभन देखाएर नेपाली लैजाने गरेका छन् ।

मानव तस्करको आँखा ग्रामीण भेगका महिलामाथि पर्ने गरेको छ । गाउँगाउँमा एजेन्ट राखेर म्यानपावर र मानव तस्करले भिजिट भिसाका नाममा महिला तस्करी गरिरहेको पाइएको छ ।

गत भदौ महिनायता भिजिट भिसामा करिब ११ हजार नेपाली यूएई पुगेको अध्यागमन विभागको तथ्यांक छ । भिजिट भिसामा गएका ९० प्रतिशत व्यक्ति रोजगारीका लागि उतै बस्ने गरेको गृह मन्त्रालयको एक अध्ययनमा उल्लेख छ ।

भिजिट भिसामा गएका नेपाली यूएईमा अलपत्र पर्न थालेपछि नेपाली दूतावासले सूचना जारी गदै श्रम स्वीकृति लिएर मात्र आउन आग्रह गरेको छ ।

भिजिट भिसामा यूएई पुगेका नेपाली महिलालाई कुवेत, ओमान, इरान, इराक र खाडीका अन्य देशमा मानव तस्करले घरेलु रोजगारीमा लैजाने गरेको उजुरी वैदेशिक रोजगार विभागमा पर्ने गरेको छ ।


- Advertisement -


मल्टिमिडिया ग्यालरी

Comments

comments

Subscribe to our newsletter
Sign up here to get the latest news, updates and special offers delivered directly to your inbox.
You can unsubscribe at any time
Leave A Reply

Your email address will not be published.