१८ फागुन, एजेन्सी । गएराति भएको इङ्ग्लिस प्रिमियर लिग फुटबलमा एभर्टनले जित निकालेको छ ।
सोमबार राति भएको खेलमा एभर्टनले साउथह्याम्पटनलाई १-० गोल अन्तरले पराजित गरेको हो ।
घरेलु मैदानमा एभर्टनलाई जित दिलाउन रिचार्लिसनले निर्णायक गोल गरेका छन् ।
रिचार्लिसनले खेलको नवौं मिनेटमा गोल गरेका थिए ।
यस जितसँगै एभर्टनले २५ खेलमा ४३ अंक जोडेको छ । एभर्टन लिगको सातौं स्थानमा रहेको छ ।
साउथह्याम्पटन २६ खेलमा ३० अंक जोडेर १४ औं स्थानमा रहेको छ ।
Comments
