१७ फागुन, काठमाडौैं ।
राष्ट्रपति विद्यादेवी भण्डारीले आगामी २३ गते संसद अधिवेशन आह्वान गरेकी छिन् । राष्ट्रपतिका सचिवालयका अनुसार सरकारको सिफारिसमा राष्ट्रपति भण्डारीले अपरान्ह ४ बजेका लागि अधिवेशन आह्वान गरेकी हुन् ।
गत शुक्रबारको मन्त्रिपरिषद बैठकले संसद आह्वानको विषयमा छलफल गरेको थियो ।
सर्वोच्च अदालतले प्रतिनिधिसभा विघटन गर्ने सरकारको निर्णयलाई गत मंगलबार बदर गरेर १३ दिनभित्र संसद् बैठक आह्वानको परमादेश गरेपछि मन्त्रिपरिषद्को आजको बैठकले संसद् आह्वानको सिफारिस गरेको हो ।
राष्ट्रपति कार्यालयले केही बेरमा संसद् आह्वानको औपचारिक विज्ञप्ति जारी गर्ने छ ।
Comments
