Nepal's No. 1 Digital News Portal, Business, Corporate, Tourism, Politics, Sports, Entertainment, digitalkhabar.com ...express media network

प्रकाशमान सिंहलाई प्रधानमन्त्री बनाउन लबिङ सुरु

0 113

१६ फागुन, काठमाडौं । नेपाली काँग्रेसभित्र सभापति शेरबहादुर देउवालाई प्रधानमन्त्री बन्नबाट रोक्न पूर्वतयारीहरु हुन थालेको छ । देउवा प्रतिनिधि सभा पुनःस्थापनाको विपक्षमा उभिएको भन्दै उनलाई रोक्न काँग्रेसभित्रको एउटा समूहले पूर्व तयारी थालेको हो ।

देउवाको विकल्पमा महामन्त्री डा. सशांक कोइराला या पूर्वमहामन्त्री प्रकाशमान सिंहलाई अगाडि सार्ने पूर्वतयारीमा वरिष्ठ नेता रामचन्द्र पौडेल समूहका नेताहरुले सक्रियता बढाएका हुन् । उनीहरुले देउवाले विगतमा प्रधानमन्त्री केपी शर्मा ओलीलाई साथ दिएकाले प्रतिनिधि सभाको पुनःस्थापनाको अवस्थामा सरकारको नेतृत्वको जिम्मेवारी पाएमा विकल्पमा अन्य नेतालाई सार्न लागेका हुन् ।

वरिष्ठ नेता रामचन्द्र पौडेल प्रतिनिधि सभा सदस्य नभएको र पौडेल समूहमा मुख्य दाबेदार सशांक कोइराला र प्रकाशमान सिंह रहेकाले उनीहरुमध्ये एकलाई अगाडि सार्न खोजिएको छ । कोइराला अहिले सरकारको नेतृत्वका लागि जाने पक्षमा नभएको बुझिएको छ । सिंहलाई त्यसका लागि अगाडि बढाउन खोजिएको छ ।

यसअघि संसदीय दलको नेताको प्रतिष्पर्धामा देउवासँग पौडेल समूहबाट प्रकाशमान सिंह चुनाव लडेका थिए । उनी देउवासँग पराजित भएका थिए । पछिल्लो समय सिंह पार्टी सभापतिको दाबेदारका रुपमा पनि प्रस्तुत हुँदै आएका छन् ।

नेकपा वैधानिक रुपमा विभाजित भएमा सत्ता समिकरण गर्दा काँग्रेस निर्णायक शक्ति बन्न सक्छ । त्यतिबेला काँग्रेस संसदीय दलको नेता नै प्रधानमन्त्री बन्ने सम्भावना रहन्छ । अहिले देउवा संसदीय दलको नेता छन् । उनलाई प्रतिनिधि सभा पुनःस्थापना नहुँदै नेकपा दाहाल नेपाल समूहका अध्यक्षद्वय पुष्पकमल दाहाल प्रचण्ड र माधवकुमार नेपालले प्रधानमन्त्रीको प्रस्ताव गरेका थिए । प्रतिनिधि सभा पुनःस्थापनाको सर्वोच्चको फैसला आएपछि १२ फागुनमा देउवालाई पुनः भेटेर दुवै नेताले सत्ता समिकरणको प्रस्ताव गरेका छन् ।

प्रधानमन्त्री ओली पनि सत्ता छाड्नुपरे प्रचण्ड र माधव नेपालभन्दा अरुलाई छाड्ने रणनीतिसहित तयार भएको चर्चा छ । उनले पहिलो विकल्पमा देउवालाई राख्ने सम्भावना औल्याइएको छ । यही अवस्थाबीच देउवालाई भने पार्टीभित्रैबाट रोक्ने प्रयास सुरु भइसकेको छ ।


- Advertisement -


मल्टिमिडिया ग्यालरी

Comments

comments

Subscribe to our newsletter
Sign up here to get the latest news, updates and special offers delivered directly to your inbox.
You can unsubscribe at any time
Leave A Reply

Your email address will not be published.