१५ फागुन, एजेन्सी । यौन दुव्यर्वहारको अभियोग लागेको केही घन्टामै अमेरिकाका जिम्न्यास्टिकका पूर्वप्रशिक्षकले आत्महत्या गरेका छन् । जोन गेडेर्ट नामका ती प्रशिक्षक अभियोग लागेको केही घन्टामै मृत फेला परेका थिए ।
गेडेर्टमाथि यौन दुव्यर्वहार र मानव तस्करका २४ वटा अभियोग लागेको थियो । उनीमाथिको अभियोगको विषयले खेल क्षेत्रमा तरंग आएको थियो । गेडेर्टमाथिको अभियोगमध्ये दुईवटा १३ र १६ वर्षीया खेलाडीमाथिको दुव्यर्वहार रहेको छ ।
६३ वर्षीय गेडेर्ट सन् २०१२ मा महिला जिम्न्यास्टिक टिमको प्रशिक्षक थिए । उनी टिमको चिकित्सक लारी नासारसँगै काम गर्थे । नासारमाथि यौन दुव्यर्वहारको अभियोगमा अदालतले दोषी ठहर गरी ३ सय वर्षको जेल सजाय सुनाइसकेको छ ।
Subscribe to our newsletter
Comments