१४ फागुन, एजेन्सी । रियल म्याड्रीडका स्टार फरवार्ड करिम बेन्जेमा म्याड्रिड डर्वीको खेलको लागि तयार हुने भएका छन् ।पछिल्लो समय उनी चोटका कारण खेलमा उपलब्ध हुन सकेका थिएनन् ।
म्याड्रिड डर्वी ७ मार्चमा एट्लेटिको म्याड्रिडको घरेलु मैदानमा वान्डा मेट्रोपोलिटानोमा हुनेछ ।
एट्लेटिकोविरुद्धको खेलअघि रियल सोसिडाडविरुद्धको खेलमा भने बेन्जेमा फिट हुनेमा शंका रहेको छ । रियल प्रशिक्षक जिनेदिन जिदानले पनि बेन्जेमाको विषयमा कुनै खतरा नमोल्ने बताएका छन् ।
उनी टोलीका लागि पहिलो रोजाईमा नै रहनेछन् । उनी यो सिजन रियलको शीर्ष गोलकर्ता हुन् । उनले यो सिजन १७ गोल गरिसकेका छन् । क्यासमिरोले ६ गोल गरेका छन् ।
बेन्जेमाको अनुपस्थितिमा रियलले मार्काे एसेन्सियो र भिनिसियस जुनियरलाई अग्रपङ्तिमा खेलाइरहेको छ । तर, यि दुई फरवार्डले पछिल्ला खेलमा गोल गर्न सकेका छन् । एसेन्सियोले पछिल्लो ३० खेलमा २ गोल गर्दा भिनिसियस जुनियरले अक्टोवर २१ देखि गोल गर्न सकेका छैनन् ।
मारियानो डियाजले कमै अवसर पाउँदा चोटका कारण इडेन हाजार्ड र रोड्रिगो गोएस चोटका कार~~ण बाहिर छन् ।
Comments
