Nepal's No. 1 Digital News Portal, Business, Corporate, Tourism, Politics, Sports, Entertainment, digitalkhabar.com ...express media network

तमन्नासहित तीनलाई अदालतको पत्र

0 128

१२ फाल्गुन, मुम्बई (एजेन्सी) । क्षिण भारतीय फिल्मकी अभिनेत्री तमन्ना भाटियालाई केरल हाई कोर्टले एक पत्र पठाएको छ । कोर्टले तमन्नासँगै भारतीय क्रिकेट टिमका कप्तान विराट कोहली र दक्षिण भारतीय फिल्मका अभिनेता अजु वर्गीजलाई पनि पत्र पठाएको हो ।

यो पत्र अदालतले अनलाइन रमी गेम्समा कानूनी रोक लगाउने निवेदनमाथि सुनुवाई गरेपछि पठाएको हो । तमन्ना, विराट र अजु अनलाइन रमी गेम्सको ब्राण्ड एम्बासडर हुन् ।

यो विषयमा कोर्टले राज्य सरकारलाई पनि पत्र पठाएको छ । गत वर्ष अनलाइन गेम्स र एप्समा भएको सट्टाबाजीमा कैयौं व्यक्तिले पैसा हारेका थिए । जसकारण तीनजनाले आत्महत्या नै गरेका थिए । त्यसपछि केरल हाई कोर्टमा अनलाइन गेम्स र एप्सलाई प्रतिबन्धको माग गर्दै निवेदन दायर भएको थियो । कोर्टले बुधबार निवेदनमाथि सुनुवाई गर्दै तमन्ना, विराट र अजुलाई पत्र काट्ने आदेश दिएको थियो ।

तमिलनाडु सरकारले पनि अनलाइन गेम्स र एप्समा प्रतिबन्ध लगाइसकेको छ । यो गेम्समा रमी पनि छ । अदालतले जसले यो गेम र एप प्रयोग गरेको पाइएको छ, उसलाई ५ हजार जरिवाना र ६ महिनाको जेल सजायको आदेश दिएको छ । कोयम्बटूरमा पनि गत वर्ष नोभेम्बरमा तीन व्यक्तिले अनलाइन रमी गेम्समा घाटा भएपछि आत्महत्या गरेका थिए ।

अभिनेत्री तमन्ना दक्षिण भारतीय फिल्मकी चर्चित अभिनेत्रीमध्ये एक हुन् । उनले कैयौं ठूला स्टारसँग काम गरिसकेकी छन् । सन् २००५ मा फिल्म ‘चाँद सा रोशन चेहरा’बाट फिल्ममा पाइला चालेकी उनले ‘हिम्मतवाला’, ‘हमशक्ल’, ‘एन्टरटेनमेन्ट’ र ‘खामोशी’ सहित कैयौं बलिउड फिल्ममा अभिनय गरिसकेकी छन् ।


- Advertisement -


मल्टिमिडिया ग्यालरी

Comments

comments

Subscribe to our newsletter
Sign up here to get the latest news, updates and special offers delivered directly to your inbox.
You can unsubscribe at any time
Leave A Reply

Your email address will not be published.