संसद पुनस्थापना पछि लड्डु खाएका प्रचण्ड माधवले आज देशभर बिजय जुलुश निकाल्ने तयारी
१२ फाल्गुन, काठमाडौं । संसद विघटन पछि मुख्य आन्दोलनकारी शक्तिको रुपमा देखा परेको प्रचण्ड र माधव कुमार नेपालले संसद पुनस्थापनाको खबर आउनासाथ एक अर्कालाई लड्डु मुखमा हालिदिएर खुसी साटासाट गरेका थिए । उनका कार्यकर्ताहरुले दिप प्रज्वलन गरे । आज उनीहरुले देशभर बिजय जुलुश निकाल्ने भएका छन ।
सर्वोच्चले संसद पुनस्थापना गरिदिएन भने थप आन्दोलनको झन्झटमा थिए उनीहरु तर पुनस्थापित गरिदिए पछि औधी खुसी भएको देखिएका छन् । यसलाई देखाउन उनीहरुले आज बिहान ११ बजे राजधानीको शान्ति बाटिका सहित देशभर बिजय जुलुश निकाल्ने तयारी गरेका हुन् ।
संसद विघटनको बिरुद्धमा आज चितवनमा हुने आमसभालाई संवोधन गर्न भनी त्याहाँ पुगेका प्रचण्ड र माधवल कुमार नेपाल पनि काठमाण्डौ आएर शान्तिबाटिकामा १२ बजे हुने जुलुशमा उपस्थित हुन सक्ने नेताहरुले बताएका छन् । देशका अन्य भागमा बिहानै जुलुश निकाल्ने तयारी भएको सो सो समुहले जनाएको छ ।
Comments
