Advertisement

सचिन तेन्दुलकरका छोरा अर्जुनले आइपिएल खेल्ने

0 481

Advertisement

०७ फागुन, एजेन्सी । भारतीय क्रिकेट टोलीका पूर्व कप्तान तथा विश्व क्रिकेटमा सर्वोत्कृष्ट ब्याट्सम्यान सचिन तेन्दुलकरका छोरा अर्जुनले इन्डियन प्रिमियर लिग (आइपिएल) २०२१ खेल्ने भएका छन् ।

अर्जुनलाई बिहिबार चेन्नईमा सम्पन्न अक्सनमा मुम्बई इन्डियन्सले न्यूनतम मूल्य २० लाख भारतीय रुपैयाँमा अनुबन्ध गरेको हो । उनी पहिलो पटक अक्सनमा बिक्री भएका हुन् । मुम्बई सचिनको पूर्व टोली हो । अर्जुनलाई मुम्बईले अक्सनको अन्तिम समयमा खरिद गरेको थियो । २०२१ को अक्सनमा खरिद हुने उनी अन्तिम खेलाडी थिए ।

मुम्बईले बिहिबार सम्पन्न अक्समा अर्जुनसँगै नाथन कुल्टर नाइल, एडम मिल्नेलाई तीव्र गतिका बलरको रुपमा खरिद गर्यो । नाथनलाई ५ करोड र मिल्नेलाई ३ करोड २० लाखमा खरिद गर्यो । स्पिनर पियुष चवलालाई मुम्बईले २ करोड ४० लाख भारु खर्चेर अनुबन्ध गरेको छ । मुम्बई तीव्र गतिका बलरको टोलीमा रुपमा चिनिन्छ । अक्सनअघि टोलीमा जस्प्रित बुमराह र ट्रेन्ट बोल्ट जस्ता विश्वस्तरिय तीव्र गतिका बलर छन् ।

२१ वर्षिय बायाँ हाते तीव्र गतिका बलर अर्जुनले भारतको उमेर समूह र घरेलु क्रिकेट खेलि सकेका छन् । अर्जुनले गत जनवरीमा मुम्बईबाट हरियाणविरुद्ध भारतको चर्चित टि२० प्रतियोगिता शैद मुश्ताक अली ट्रफिमा डेब्यू गरेका थिए । उक्त खेलमा उनले ३ ओभरमा ३४ रन खर्चेर १ विकेट लिएका थिए ।

अर्जुनले मुम्बई क्रिकेट एसोसिएसनले आयोजना गरेको पुलिस आमान्त्रिण शिल्ड क्रिकेट प्रतियोगिता २०२०/२१ मा आइतबार एमआइजी क्रिकेट क्लबबाट उत्कृष्ट अलराउन्ड प्रदर्शन गरेका थिए । बलरका रुपमा टोलीमा रहेका उनी ईस्लाम जिमखानाविरुद्ध २६ बलमा ५ चौका र ८ छक्का सहित ७७ रनमा अविजित रहे ।

बायाँ हाते तीव्र गतिका बलर अर्जुनले स्पिनर हशीर दफेदारलाई एकै ओभरमा पाँच छक्का प्रहार गरेपछि उनको चर्चा झन् बढेको थियो । अर्जुनले उक्त प्रतियोगितामा तीन विकेट लिएका थिए । यस प्रतियोगितामा लगातार उत्कृष्ट प्रर्दशन गर्दै आएका छन् ।



मल्टिमिडिया ग्यालरी


© Nepali horoscope

Comments

comments

Subscribe to our newsletter
Sign up here to get the latest news, updates and special offers delivered directly to your inbox.
You can unsubscribe at any time
Leave A Reply

Your email address will not be published.